Беларускі мастак Аляксей Кузьміч напісаў у фэйсбуку, што яго вызвалілі.
«Я на волі. Выпусцілі праз 1,5 сутак пасля арышту. Правяралі на прадмет датычнасці да тэрарызму, павезлі ў крымінальную паліцыю. Следства ўтрымлівае на праверцы фота- і відэафіксацыю акцыі, якую здымалі журналісты (адзін з іх на псіхіятрычнай экспертызе). Чакаем. Спадзяюся, аддадуць, і свабоду інфармацыі ў Францыі сароміць не будуць», — напісаў ён.
Мастак дадаў, што яго папярэдзілі, што сваім мастацтвам у Францыі яму больш не варта займацца. Інакш супраць яго будзе заведзеная крымінальная справа. Прычым і за акцыю, якую ён правёў, і за новую.
Аляксея Кузьміча затрымалі 1 красавіка, калі ён спрабаваў правесці акцыю. Пры сабе ён меў бутэльку з вадкасцю і ўжо падпалены кавалак тканіны. Разам з ім затрымалі пару, якая суправаджала яго, фатаграфавала і здымала на відэа яго дзеянні.
Мастак заявіў, што ён не збіраўся здзяйсняць ніякага гвалту, а вадкасць у бутэльцы была бяспечнай.
Перад гэтым Кузьміч у фэйсбуку апублікаваў зварот да прэзідэнта Францыі Макрона, дзе напісаў, што Францыя нібыта «скатваецца да фашызму».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары