Мінгарсуд адмяніў 7 сутак арышту, якія актывістка ўжо адбыла на Акрэсціна
21 кастрычніка судзьдзя Менскага гарадзкога суду Дзіяна Кучук адмяніла пастанову суду Маскоўскага раёну Менску адносна актывісткі Галіны Лагацкай і адправіла яе справу на разгляд іншага судзьдзі, піша «Свабода».
Раней судзьдзя Вольга Малашэнка прысудзіла актывістцы 7 сутак адміністрацыйнага арышту за ўдзел у пікеце 14 верасьня каля Чырвонага касьцёла.
Жанчына на судзе не прызнала віны, а па выхадзе з ізалятара аспрэчыла пастанову ў Менскім гарадзкім судзе. Сёньня на разглядзе скаргі Галіна Лагацкая даводзіла, што яе судзілі са шматлікімі парушэньнямі.
«14 верасьня каля Чырвонага касьцёла праходзіў пікет пратэстоўцаў, а я там зьбірала подпісы пад лістом у «Белтэлерадыёкампанію». Зьявіліся міліцыянты, затрымалі некалькі дзяўчат, я ж спрабавала давесьці, што яны не парушалі закону. І мяне таксама прыхапілі. Але судзілі потым нават без апытаньня сьведак, усе факты былі перакручаныя. Ёсьць відэа, якое пацьвярджае мае словы, таму, спадзяюся, і на новым працэсе дамагуся праўды», — сказала пасьля працэсу ў гарадзкім судзе Галіна Лагацкая.
20 кастрычніка Галіна Лагацкая выйшла з цэнтру ізаляцыі правапарушальнікаў на Акрэсьціна пасьля адбыцьця іншага пакараньня — 15 сутак за ўдзел у першым Маршы пэнсіянэраў. «Буду абскарджваць і тую пастанову», — сказала актывістка.
-
У 7‑й спецбрыгадзе ўнутраных войскаў змянілі камандзіра і ідэолага — неўзабаве пасля праверкі боегатоўнасці
-
Латушка: Перамовы па Украіне могуць адкрыць магчымасці для Беларусі. Дэмсілы павінны быць за сталом
-
«Я хачу развеяць міф, што я вельмі моцны чалавек, проста танк, бо многія ведаюць мяне з 2020-га». Размова з Галінай Казіміроўскай аб перамозе над цяжкім дыягназам
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары