Пад Мінскам разабралі «разумныя» кватэры. Цяпер іх будуць будаваць паўсюль
Беларусы раскупілі першыя «разумныя» кватэры ад забудоўшчыка. Іх пабудавалі і ўкамплектавалі ў загарадным квартале «Пірс». Праект рэалізаваны «А-100 Дэвелапмент» сумесна з Яндэксам.
«Інтэлект» атрымалі двухпакаёвыя кватэры ў сіціхаўсах. Датчыкі адсочваюць дым, працёк вады і няпрошаных гасцей, а галасавое кіраванне дазваляе пагасіць святло, запусціць фільм ці ўключыць музыку. Ёсць таксама тры разумныя разеткі, камера відэаназірання, пульт, цэнтр кіравання і дзве «разумныя» калонкі «Яндекс.Станцыі» з Алісай.
Усе «разумныя» кватэры выкупілі ўсяго за месяц. Высокі попыт падштурхнуў забудоўшчыка павялічыць прапанову на «разумныя» кватэры ў Пірсе. Акрамя таго, жыллё з'явіцца ў «Новай Баравой», «Зялёнай гавані» і «Дэпо».
Сістэма аб'ядноўвае розныя прыборы ў кватэры, якімі можна кіраваць голасам, з пульта або смартфона. Датчыкі рэагуюць на падазроную актыўнасць: адкрыццё вокнаў або дзвярэй, калі гаспадароў няма дома. Пры пагрозе сістэма пачне сігналіць і слаць паведамленні на смартфон. З яго можна падлучыцца да камеры відэаназірання і атрымаць «карцінку» пад розным аглядам. Разумныя разеткі ў сваю чаргу адключаць прас або абясточаць тэлевізар пры скоку напружання або кароткім замыканні.
Цяпер чытаюць
Намеснікам кіраўніка Адміністрацыі прэзідэнта стаў цвердалобы генерал, а Генштаб узначаліў зямляк Якуба Коласа8
Намеснікам кіраўніка Адміністрацыі прэзідэнта стаў цвердалобы генерал, а Генштаб узначаліў зямляк Якуба Коласа
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары