«Шчыра кажучы, я пакуль не ведаю, што будзе ў 10-м фільме. Калі думаць, што ўсе фільмы распавядаюць адну і тую ж гісторыю і кожная з маіх карцін — маленькі вагон у складзе аднаго лакаматыва, то я хачу зрабіць нейкі велізарны суперфільм, які закрые логіку ўсяго майго вялізнага фільма», — сказаў Таранціна на прэс-канферэнцыі ў Маскве ў сераду, піша ТАСС.
Рэжысёр неаднаразова казаў у інтэрв'ю, што пасля 10-га фільма плануе завяршыць кар'еру.
Амерыканскі рэжысёр прыехаў у РФ са сваёй карцінай «Аднойчы ў … Галівудзе».
Фільм выйдзе ў расійскі пракат 8 жніўня. Падзеі стужкі разгортваюцца ў Лос-Анджэлесе ў 1969 годзе. Яна распавядае гісторыю экс-зоркі тэлевізійных вестэрнаў Рыка Далтана і яго дублёра Кліфа Бута. Дзеянне адбываецца на фоне падзей, звязаных з бандай Чарльза Мэнсана, і забойства жонкі рэжысёра Рамана Паланскі актрысы Шэран Тэйт.
Самыя вядомыя кінастужкі 56-гадовага Таранціна — «Крымінальнае чытво», «Забіць Біла», «Бясслаўныя байструкі», «Джанга вызвалены».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары