Васьмімесячнаму немаўляці ў Канадзе была выпісана медыцынская карта, якая дае доступ да бясплатнай медыцынскай дапамогі, у якой не пазначаны пол дзіцяці. Наколькі вядома, гэта першы падобны выпадак у свеце.
Бацька дзіцяці на імя Коры Доці ідэнтыфікуе сябе як небінарны трансгендар, гэта значыць які не лічыць сябе ні жанчынай, ні мужчынам. Доці хоча, каб дзіця само абрала сваю гендарную ідэнтыфікацыю, калі падрасце.
На медыцынскай картцы дзіцяці ў графе «пол» напісана толькі лацінская літара U, што можа азначаць альбо «нявызначаны» (undetermined), альбо «неўсталяваны» (unassigned).
Доці таксама дамагаецца ад уладаў, каб пол немаўляці не ўказваўся ў пасведчанні аб нараджэнні.
Дзіця, якое атрымала імя Сірыл Атлі, з'явілася на свет у лістападзе 2016 года, у доме знаёмых Коры Доці ў правінцыі Брытанская Калумбія. Такім чынам у афіцыйных асоб не было магчымасці засведчыць пол нованароджанага.
Доці старанна пазбягае займеннікаў мужчынскага і жаночага роду, аддаючы перавагу ва ўсіх выпадках карыстацца словам «яны», і сцвярджае, што візуальны агляд дзіцяці пасля нараджэння не дае магчымасці вызначыць, з якім менавіта полам той будзе асацыяваць сябе ў будучыні.
«Я выхоўваю іх так, каб калі яны ўсведамляюць сябе, і змогуць выказваць свае думкі, яны мне скажуць, хто яны, - кажа Коры Доці пра сваё дзіця. - Я разумею, што гэта немаўля, і цалкам люблю і выхоўваю іх за межамі паняццяў «хлопчык» ці «дзяўчынка», - кажа Коры Доці ў інтэрв'ю канадскаму тэлеканалу CBC.
Коры Доці — грамадскі асветнік і актывіст «Кааліцыі безгендарнай ідэнтычнасці» (Gender-Free ID Coalition), які дамагаўся ліквідацыі згадкі пола дзяцей з любых афіцыйных дакументаў.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары