Удава беларускага добраахвотніка здолела сабраць подпісы пад петыцыяй аб прысваенні іншаземцам звання Героя Украіны
Вераніка Яновіч, удава беларускага добраахвотніка Аляксея Лазарава, які загінуў, абараняючы Украіну, здолела сабраць неабходную колькасць подпісаў пад петыцыяй да прэзідэнта Украіны Уладзіміра Зяленскага і Вярхоўнай рады. 30 ліпеня петыцыя набрала больш за 25 тысяч подпісаў, неабходных для таго, каб яе разгледзеў кіраўнік украінскай дзяржавы.
Петыцыя была апублікаваная 1 мая і падпісаная ад імя жонкі і блізкіх загінулага добраахвотніка Аляксея Лазарава. У ёй Вераніка Яновіч прапанавала дазволіць прысвойваць званне Героя Украіны іншаземцам і асобам без грамадзянства, якія здзейснілі гераічныя ўчынкі падчас абароны краіны.
У петыцыі беларуска звяртала ўвагу, што замежныя добраахвотнікі фактычна выконваюць тыя ж задачы, што і грамадзяне Украіны: непасрэдна ўдзельнічаюць у баявых дзеяннях, дапамагаюць абараняць дзяржаву і здзяйсняюць учынкі, накіраваныя на абарону яе незалежнасці і тэрытарыяльнай цэласнасці.
На думку Яновіч, адсутнасць адпаведнага механізму не дазваляе Украіне належным чынам адзначаць заслугі іншаземцаў, якія ўнеслі значны ўклад у абарону краіны.
Аляксей Лазараў загінуў у студзені 2026 года. Пасля яго смерці Вераніка Яновіч заявіла, што ён не чакаў падзякі за сваю службу, але заўсёды востра рэагаваў на несправядлівасць.
Цяпер, пасля збору неабходных 25 тысяч подпісаў, петыцыя павінна быць абавязкова разгледжаная прэзідэнтам Украіны Уладзімірам Зяленскім і на яе мусіць быць дадзены афіцыйны адказ.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары