Нерухомасць66

Кватэру Элеаноры Язерскай прадаюць за $140 тыс., рамонт у ёй рабіла кампанія Юрыя Чыжа

Пра сваю кватэру Элеанора Язерская расказвала ў інтэрв'ю, з задавальненнем запрашала туды сваіх сяброў, у гасцінай здымала аўтарскую праграму «Жанчыны ХХ стагоддзя». У маі 2014 года Элеанора Язерская пайшла з жыцця, загадкава і нечакана. Да памяці вядомай тэлевядучай сваякі паставіліся без асаблівага піетэту: частку яе адзення пакінулі ў смеццевым баку ля пад'езда, а цяпер прадаюць кватэру.

Элеанора Язерская была карэннай мінчанкай.

«Нарадзілася на Савецкай, 14, насупраць Дома ўрада. А потым 34 гады жыла на праспекце Машэрава ў доме, дзе знаходзілася крама «Алеся». А сюды, на плошчу Перамогі, пераехала ў 2000-м і абрала менавіта дом з уваходам з вуліцы — зневажальна бегаць па дварах», — распавядала тэлевядучая у інтэрв'ю газеце «Вечерний Минск».

Двухпакаёвая кватэра-сталінка — 60 квадратных метраў. «Вокны выходзяць у ціхі двор, у кватэры не чуваць шуму аўтамабіляў на праспекце», гаворыцца ў аб'яве. Памятаецца, сама Элеанора Аркадзьеўна была незадаволеная «ціхім» дваром, дзе часам збіраліся выпівакі, моцна мацюкаліся пад вокнамі. Раздражняла яе і тое, што ў цесным дворыку паркавалі аўтамабілі.

У доўгім пярэднім пакоі, дзе Элеанора сустракала сваіх гасцей, шмат карцін у залатых рамах. Сярод іх былі і партрэты тэлевядучай — падарункі беларускіх сяброў-мастакоў.

Люстра ў пярэднім пакоі са звісаючымі плафонамі мае сваю гісторыю. «Ах, якія галовы біліся аб люстру ў гасцінай! Праўда, цяпер гэтая люстра вісіць у пярэднім пакоі», — распавядала пра кватэру Язерская часопісу «Рыа».

Паліцы беласнежных вітрын абстаўленыя мілымі штучкамі: вазачкі, статуэткі. «У мяне ў доме шмат рэчаў, але мне гэта падабаецца. Я купляю вазы, я люблю каляровае шкло, прычым, вазы з розных краін, у тым ліку са знакамітага венецыянскага шкла. Я лічу, што найлепшы банк, які ніколі не згарае, гэта нашы ўражанні ад нашых падарожжаў», — распавядала яна тэлеканалу СТБ.

Вазачкі Элеанора Аркадзьеўна расстаўляла на адмысловай падстаўцы ў гасцінай. І нават на фота, дзе гасцёўня ўжо падрыхтавана да продажу, яшчэ засталіся экземпляры з ярка-чырвонага шкла.

У гасцінай Элеанора Язерская запісвала цыкл перадач пра вядомых жанчын. Там шмат што яшчэ засталося на сваіх месцах: сталовы гарнітур, скураныя фатэлі, крышталёвая люстра, бібліятэка і падлогавы гадзіннік.

Телевядучая не хавала, хто дапамог ёй з рамонтам кватэры: «Юры Чыж — выдатны бізнэсовец, мой сябар, гаспадар «Трайпла». Лагойскі курорт, які ён цяпер будуе, - гэта ўжо прыжыццёвы помнік. Ён вельмі добры чалавек. І як сябар ён мне вельмі шмат дапамагае. Калі ў мяне пытаюцца: «У цябе еўрарамонт?», Я адказваю: «У мяне круцей. У мяне Элеанора-рамонт». І рабіла мне гэты рамонт фірма «Трайпл». Зрабіла ідэальна, за 30 дзён, прычым я мяняла нават сцены», - распавядала Элеанора у інтэрв'ю газеце «Экспрэс-навіны».

Зараз уласнікам кватэры Элеаноры Язерскай з'яўляецца яе пляменнік Кірыл, ён і прадае жыллё за 140 тысяч даляраў. Мы патэлефанавалі Кірылу, каб удакладніць, як прадаецца кватэра: з мэбляй або без? На фотаздымках, размешчаных на сайце рыэлтарскага агенцтва, відаць, што частку асабістых рэчаў сваякі прыбралі, але і многае пакінулі.

— Я не буду размаўляць з журналістамі! — абарваў размову пляменнік.

Каментары6

Цяпер чытаюць

«Поўны заняпад у Літве, Латвіі і Эстоніі». Пра што недагаворвае Рыжанкоў6

«Поўны заняпад у Літве, Латвіі і Эстоніі». Пра што недагаворвае Рыжанкоў

Усе навіны →
Усе навіны

«Беллегпрам» зацвердзіў узоры школьнай формы на новы навучальны год ФОТЫ5

Мужчына паказаў у інтэрнэце школьны абед. Грамадскасць абурылася12

У Мачулішчах абарвалася будаўнічая люлька, ёсць ахвяры

«Людзі ад нас адвярнуліся». Жонка ўладальніка пашпарта прыкрыцця Івана Мішчука пракаментавала скандал з ім5

«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску34

Еўрасаюз хоча ўвесці поўную забарону на закупку прадуктаў з расійскай нафты6

Расія і Украіна правялі чарговы абмен целамі загінулых вайскоўцаў. Ён ішоў праз Беларусь

«Раз'язджаліся проста па тратуарах». Каля новага стадыёна пасля матча адбыўся калапс3

Украінцы нанеслі ўдар высокадакладнымі снарадамі па базе расійскіх войскаў у Курскай вобласці ВІДЭА1

больш чытаных навін
больш лайканых навін

«Поўны заняпад у Літве, Латвіі і Эстоніі». Пра што недагаворвае Рыжанкоў6

«Поўны заняпад у Літве, Латвіі і Эстоніі». Пра што недагаворвае Рыжанкоў

Галоўнае
Усе навіны →

Заўвага:

 

 

 

 

Закрыць Паведаміць