Kvateru Eleanory Jazierskaj pradajuć za $140 tys., ramont u joj rabiła kampanija Juryja Čyža

Pra svaju kvateru Eleanora Jazierskaja raskazvała ŭ intervju, z zadavalnieńniem zaprašała tudy svaich siabroŭ, u haścinaj zdymała aŭtarskuju prahramu «Žančyny XX stahodździa». U mai 2014 hoda Eleanora Jazierskaja pajšła z žyćcia, zahadkava i niečakana. Da pamiaci viadomaj televiadučaj svajaki pastavilisia biez asablivaha pijetetu: častku jaje adzieńnia pakinuli ŭ śmiećcievym baku la padjezda, a ciapier pradajuć kvateru.

Eleanora Jazierskaja była karennaj minčankaj.

«Naradziłasia na Savieckaj, 14, nasuprać Doma ŭrada. A potym 34 hady žyła na praśpiekcie Mašerava ŭ domie, dzie znachodziłasia krama «Alesia». A siudy, na płošču Pieramohi, pierajechała ŭ 2000-m i abrała mienavita dom z uvachodam z vulicy — źnievažalna biehać pa dvarach», — raspaviadała televiadučaja u intervju haziecie «Viečiernij Minsk».

Pavialičyć

Dvuchpakajovaja kvatera-stalinka — 60 kvadratnych mietraŭ. «Vokny vychodziać u cichi dvor, u kvatery nie čuvać šumu aŭtamabilaŭ na praśpiekcie», havorycca ŭ abjavie. Pamiatajecca, sama Eleanora Arkadźjeŭna była niezadavolenaja «cichim» dvarom, dzie časam źbiralisia vypivaki, mocna maciukalisia pad voknami. Razdražniała jaje i toje, što ŭ ciesnym dvoryku parkavali aŭtamabili.

Pavialičyć

U doŭhim piarednim pakoi, dzie Eleanora sustrakała svaich haściej, šmat karcin u załatych ramach. Siarod ich byli i partrety televiadučaj — padarunki biełaruskich siabroŭ-mastakoŭ.

Lustra ŭ piarednim pakoi sa źvisajučymi płafonami maje svaju historyju. «Ach, jakija hałovy bilisia ab lustru ŭ haścinaj! Praŭda, ciapier hetaja lustra visić u piarednim pakoi», — raspaviadała pra kvateru Jazierskaja časopisu «Rya».

Pavialičyć

Palicy biełaśniežnych vitryn abstaŭlenyja miłymi štučkami: vazački, statuetki. «U mianie ŭ domie šmat rečaŭ, ale mnie heta padabajecca. Ja kuplaju vazy, ja lublu kalarovaje škło, pryčym, vazy z roznych krain, u tym liku sa znakamitaha vieniecyjanskaha škła. Ja liču, što najlepšy bank, jaki nikoli nie zharaje, heta našy ŭražańni ad našych padarožžaŭ», — raspaviadała jana telekanału STB.

Vazački Eleanora Arkadźjeŭna rasstaŭlała na admysłovaj padstaŭcy ŭ haścinaj. I navat na fota, dzie haścioŭnia ŭžo padrychtavana da prodažu, jašče zastalisia ekziemplary ź jarka-čyrvonaha škła.

U haścinaj Eleanora Jazierskaja zapisvała cykł pieradač pra viadomych žančyn. Tam šmat što jašče zastałosia na svaich miescach: stałovy harnitur, skuranyja fateli, kryštalovaja lustra, biblijateka i padłohavy hadzińnik.

Pavialičyć

Tieleviadučaja nie chavała, chto dapamoh joj z ramontam kvatery: «Jury Čyž — vydatny biznesoviec, moj siabar, haspadar «Trajpła». Łahojski kurort, jaki jon ciapier buduje, - heta ŭžo pryžyćciovy pomnik. Jon vielmi dobry čałaviek. I jak siabar jon mnie vielmi šmat dapamahaje. Kali ŭ mianie pytajucca: «U ciabie jeŭraramont?», Ja adkazvaju: «U mianie kruciej. U mianie Eleanora-ramont». I rabiła mnie hety ramont firma «Trajpł». Zrabiła idealna, za 30 dzion, pryčym ja mianiała navat ścieny», - raspaviadała Eleanora u intervju haziecie «Ekspres-naviny».

Zaraz ułaśnikam kvatery Eleanory Jazierskaj źjaŭlajecca jaje plamieńnik Kirył, jon i pradaje žyllo za 140 tysiač dalaraŭ. My patelefanavali Kiryłu, kab udakładnić, jak pradajecca kvatera: z meblaj abo biez? Na fotazdymkach, raźmieščanych na sajcie ryełtarskaha ahienctva, vidać, što častku asabistych rečaŭ svajaki prybrali, ale i mnohaje pakinuli.

— Ja nie budu razmaŭlać z žurnalistami! — abarvaŭ razmovu plamieńnik.

• 0
• 0
• 0
• 0
• 0
• 0
• 0
• 0