Надзеі Расіі на паўтор крымскага сцэнара ў абласцях Усходняй Украіны слабеюць. Мясцовае насельніцтва не падтрымала прарасійскі актыў.
Нягледзячы на спрыянне шэрагу мясцовых алігархаў, Расія не дабілася ад законна абраных абласных радаў галасавання з просьбай аб далучэнні да Расіі. У такой сітуацыі стаўка зроблены на самаабвешчаныя «народныя рады дэпутатаў», што абвесцілі пра ўтварэнне «народных рэспублік».
Улада тых рэспублік пакуль не распаўсюджваецца далей за лапікі вакол некалькіх захопленых будынкаў у Данецку і Луганску. Вакол іх паўсталі барыкады, а ўнутры іх акапаліся ўзброеныя людзі. У СБУ Луганска іх аж да некалькіх соцень.
Украінскія сілавыя структуры сцвярджаюць, што іх касцяк склалі засланыя ва Украіну байцы ГРУ Расіі. Далучыліся сябры ваенізаваных груповак, якіх Расія фінансавала доўгія гады, на што ўрад Януковіча заплюшчваў вочы.
Інфармацыя аб пераездзе самога Януковіча з Расіі ў Данецк не знайшла пацверджання. Украінскія памежныя войскі працягваюць кантраляваць граніцу.
У Харкаве байцы ўкраінскага спецназа ў панядзелак вызвалілі захоплены будынак адіміністрацыі і арыштавалі 70 штурмавікоў.
Сёння, у чацвер, украінскія ўлады маюць намер аднавіць кантроль над будынкамі ў Данецку.
Самая цяжкая сітуацыя — у памежным Луганску, цэнтры вобласці з найбольшай доляй этнічных расейцаў (39%), аточанай Расіяй з трох бакоў.
Кіеў па-ранейшаму пазбягае ўжывання зброі супраць тэрарыстаў, бо баіцца, што Масква выкарыстае гэта як падставу для ўвядзення войскаў. Магутная групоўка іх у поўнай баявой гатоўнасці разгорнутная на мяжы з Украінай, тады як НАТА катэгарычна заявіла, што ваеннай дапамогі Украіне не будзе — яна не з'яўляецца членам альянсу.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары