Nadziei Rasii na paŭtor krymskaha scenara ŭ abłaściach Uschodniaj Ukrainy słabiejuć. Miascovaje nasielnictva nie padtrymała prarasijski aktyŭ.
Niahledziačy na spryjańnie šerahu miascovych aliharchaŭ, Rasija nie dabiłasia ad zakonna abranych abłasnych radaŭ hałasavańnia z prośbaj ab dałučeńni da Rasii. U takoj situacyi staŭka zrobleny na samaabvieščanyja «narodnyja rady deputataŭ», što abvieścili pra ŭtvareńnie «narodnych respublik».
Ułada tych respublik pakul nie raspaŭsiudžvajecca dalej za łapiki vakoł niekalkich zachoplenych budynkaŭ u Daniecku i Łuhansku. Vakoł ich paŭstali barykady, a ŭnutry ich akapalisia ŭzbrojenyja ludzi. U SBU Łuhanska ich až da niekalkich socień.
Ukrainskija siłavyja struktury śćviardžajuć, što ich kaściak skłali zasłanyja va Ukrainu bajcy HRU Rasii. Dałučylisia siabry vajenizavanych hrupovak, jakich Rasija finansavała doŭhija hady, na što ŭrad Janukoviča zapluščvaŭ vočy.
Infarmacyja ab pierajeździe samoha Janukoviča z Rasii ŭ Danieck nie znajšła paćvierdžańnia. Ukrainskija pamiežnyja vojski praciahvajuć kantralavać hranicu.
U Charkavie bajcy ŭkrainskaha śpiecnaza ŭ paniadziełak vyzvalili zachopleny budynak adiministracyi i aryštavali 70 šturmavikoŭ.
Siońnia, u čaćvier, ukrainskija ŭłady majuć namier adnavić kantrol nad budynkami ŭ Daniecku.
Samaja ciažkaja situacyja — u pamiežnym Łuhansku, centry vobłaści z najbolšaj dolaj etničnych rasiejcaŭ (39%), atočanaj Rasijaj z troch bakoŭ.
Kijeŭ pa-raniejšamu paźbiahaje ŭžyvańnia zbroi suprać terarystaŭ, bo baicca, što Maskva vykarystaje heta jak padstavu dla ŭviadzieńnia vojskaŭ. Mahutnaja hrupoŭka ich u poŭnaj bajavoj hatoŭnaści razhornutnaja na miažy z Ukrainaj, tady jak NATA kateharyčna zajaviła, što vajennaj dapamohi Ukrainie nie budzie — jana nie źjaŭlajecca členam aljansu.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary