Аляксандр Тамковіч прэзентаваў «энцыклапедыю выкрэсленых імёнаў»
Прэзэнтацыя кнігі «Найноўшая гісторыя ў асобах» адбылася ў Менску.
Журналіст Аляксандар Тамковіч пад адной вокладкай сабраў 100 нарысаў пра асобаў, якія зрабілі ўнёсак у найноўшую гісторыю Беларусі, паведамляе радыё «Свабода».
Шмат хто з удзельнікаў прэзэнтацыі — а гэта палітыкі, грамадзкія і культурныя дзеячы, журналісты — назвалі кнігу Тамковіча энцыкляпэдыяй выкрасьленых імёнаў.
Выступоўцы адзначалі, што імёны герояў кнігі, а таксама іхны ўнёсак у сучасную гісторыю Беларусі замоўчваюцца афіцыйныямі мэдыямі.
Адзін з героўя кнігі, рэжысэр Юры Хашчавацкі, заявіў, што Аляксандар Тамковіч стварыў «пантэон вядомых асобаў». Некаторыя з удзельнікаў прэзэнтацыі — Уладзімер Някляеў, Уладзімер Арлоў — дарылі аўтару свае кнігі.
Аляксандар Тамковіч кажа: 20-я па ліку кніга — не апошняя. Ён плянуе напісаць кнігу пра маладое пакаленьне грамадзкіх дзеячоў і палітыкаў, а таксама кнігу пра беларускіх музыкаў.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна14
Каментары