«Memuary hiejšy»
Uschodniaja histaryčnaja meladrama na intryhoŭnuju temu. Stužku spradusavaŭ Styven Śpiłberh.
TV, 30 krasavika, paniadziełak.
Memuary hiejšy (Memoirs of a Geisha)
ZŠA, 2005, kalarovy, 145 chv.
Režyser: Rob Maršał
Roli vykonvajuć: Čžan Czyi, Suzuka Oha, Mišel Jiea, Li Hun, Kodzi Jakusio, Samanta Futerman
Žanr: uschodniaja histaryčnaja meladrama.
Adznaka: 6 (z 10).
Maleńkuju dziaŭčynku pradajuć u dom hiejšaŭ. Jana vyrastaje j stanovicca pryhažuniaj Sajury, zdolnaj spynić mužčynu adnym pozirkam.
U karcinie Roba Maršała «Memuary hiejšy» jość usie atrybuty «ŭschodniaha kino»: kimano, doždž, sakura, śviatło j cieni, piaščota ružovaha i choład brunatnaha. Niezdarma karcina atrymała «Oskary» za aperatarskuju pracu i kaściumy. Ale ŭsia aperatarskaja raskoša ŭdała chavaje adsutnaść ŭschodniaje atmasfery. Heta ŭdałaja imitacyja histaryčnaha kino.
Uschvaleńnie Hitlera na japonskim radyjo, kaściumy 30-ch, zhadki pra akupavanuju Mančžuryju. Kitajcy ŭžo vykazali svoj pratest; ich aburyła toje, što hiejšaŭ, jakija absłuhoŭvajuć japonskich militarnikaŭ, hrali kitajskija pryhažuni Czyi Čžan i Li Hun. Ale ŭvieś histaryčny anturaž — tolki fon dla pryvatnaj historyi.
Heta talenavitaja imitacyja meladramy. Tajemnaje kachańnie hiejšy, jakoj nielha kachać, ale dazvolena spakušać, intryhi hulni i nasoŭka lubaha čałavieka, zalitaja dziavočymi ślazami. Ŭschodnija žarści ścišanyja dydaktyčnym kamentarom i zaviaršajucca halivudzkim hepi-endam.
Pradusavaŭ karcinu Styven Śpiłberh, u jakoha hienijalny niuch na pośpiech. I chacia stužka — imitacyja, chto viedaje, jaki aryhinał?
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary