Niaklajeŭ i niadrennyja ŭ cełym kadebisty

Na fiestyvali «Lubimaŭka» niezaležny teatr «Tieatr.doc» prezientavaŭ frahmienty pjesy «Dvoje ŭ tvaim domie», jakaja raspaviadaje pra chatni aryšt eks-kandydata, ŭ prezidenty Biełarusi Uładzimira Niaklajeva.

Asnoŭnaja, i, jak adznačajuć krytyki,

samaja cikavaja linija śpiektakla — razmovy dvuch supracoŭnikaŭ KDB, jakija žyvuć u domie Niaklajeva.

Sam Niaklajeŭ pjesu nie čytaŭ, i frahmienty nie bačyŭ.

«Jak ža ja moh adpravicca ŭ Maskvu, kali mianie nie puskajuć navat u Ratamku»

«Naša Niva» parazmaŭlała z aŭtarkaj pjesy Alenaj Hreminaj.

«Naša Niva»: Jakim čynam źbiraŭsia materyjał dla pjesy?

Alena Hremina: Letam my hrupaj prykchali ŭ Minsk i razmaŭlali z mnohimi ludźmi — sa spadarom Niaklajevym i jahonaj žonkaj, z pradstaŭnikami apazicyi i prychilnikami dziejnaj ułady. Na asnovie hetaha i była pabudavanaja pjesa. Frahmienty my pakazali na fiestyvali «Lubimaŭka», paśla było abmierkavańnie. Reakcyja hledačoŭ była vielmi stanoŭčaj.

«NN»: Čamu vas zacikaviŭ mienavita hety siužet?

AH: Nam padajecca cikavaj tema taho, jak čałaviek moža achviaravać ułasnym kamfortam, jak składajucca jaho stasunki z čužymi ludźmi, jakija ŭvieś čas za im sočać. Pojdzie jon ź imi na kanflikt, ci heta budzie peŭnaja supraca? Tema ŭniviersalnaja — sučasnaja cyvilizacyja vučyć nas u składannych situacyjach nie iści na kanflikt z teroram, a pa mahčymaści zachoŭvać niejtralnyja stasunki. Što ŭ Rasii, što ŭ Jeŭropie, što ŭ Biełarusi.

«NN»: Uładzimir Niaklajeŭ u Biełarusi časta ŭsprymajecca jak paet, a tolki paśla jak palityk. Hieroj vašaj pjesy, chto jon?

AH: Dla mianie asabista Uładzimir Niaklajeŭ, heta ŭ pieršuju čarhu paet. My sami ŭ teatry — aŭtary, mastaki, ale

ŭ hetaj kankretnaj pjesie my razhladajem asobu ŭ «biespavietranaj» prastory. Kali ŭ ciabie doma žyvuć dva čužyja čałavieki, jakija sami pa sabie niebłahija ludzi, ale musiać za taboj nazirać. Paet ža nie moža uvieś čas być «viežaj z słanovaj kości» — nas cikaviać pieražyvańni asoby.

«NN»: Pradstaŭniki KDB u pjesie nie źjaŭlajucca «admoŭnymi» piersanažami?

AH: Heta kožny z hledačoŭ vyrašaje sam. My ŭpeŭnienyja, što niekatoryja ludzi, jakija vymušany vykonvać samyja žachlivyja funkcyi, sami pa sabie mohuć być nijakimi nie złodziejami. Jany prosta vymušany zajmacca tym, čym zajmajucca — vykonvać dziaržaŭnuju funkcyju.

«NN»: Kali adbudziecca premjera «Dvaich u tvaim domie»?

AH: Na teatralnym fiestyvali Baltic Circle u listapadzie. Da premjery ja raskazvać siužet nie mahu.

«NN»: Sam Uładzimir Niaklajeŭ pjesy nie čytaŭ. Jak ličycie, nakolki vierahodna pastavić pjesu ŭ Biełarusi?

AH: My 

ź vialikim zadavalnieńniem pryvieźli b śpiektakl u Minsk, zrobim dla hetaha ŭsio mahčymaje. My ž nie viedajem, što adbudziecca zaŭtra — moža Biełaruś u listapadzie budzie demakratyčnaj krainaj.

• 0
• 0
• 0
• 0
• 0
• 0
• 0
• 0