Bykoŭski: Parfiankoŭ byŭ vybrany ŭ jakaści pieršaha nievypadkova
Analityk Paŭluk Bykoŭski prakamientavaŭ dla radyjo «Svaboda» pieršy sud nad manifiestantam z Płoščy.
«Ułady buduć sačyć za reakcyjaj. Ja b adznačyŭ, što asoba Parfiankova daje mahčymaść uładam u svajoj prapahandzie źviartać uvahu na toje, što heta aktyvist niezarehistravanaj Partyi Svabody, pakazać, što jon nibyta radykał, byŭ va Ukrainie, udzielničaŭ tam u Majdanie, maje raniejšyja prysudy. Z dapamohaj hetych faktaŭ ułady buduć stvarać mif, što padziei 19 śniežnia byli sprobaj zachopu ŭłady i masavymi biesparadkami.
Ja ŭpeŭnieny, što nievypadkova mienavita asoba Parfiankova stała pieršaj asudžanaj. Nievypadkova prakuror prasiŭ 6 hadoŭ, bo była pakazanaja płanka mahčymaha pakarańnia — 15 hadoŭ vyhladajuć nadta nievierahodnym padychodam dla padziejaŭ 19 śniežnia. Ułady ciapier buduć sačyć, jak Zachad pastavicca da hetaha prysudu.
Biezumoŭna, [taksama i psichałahičny] cisk [na astatnich fihurantaŭ spravy] budzie akazany. Ja ŭpeŭnieny, što ŭsim fihurantam spravy, navat tym, chto znachodzicca ŭ śledčym izalatary KDB, daviaduć infarmacyju pra hety prysud. Mahčyma, toje, što prahučała na sudzie, tak ci inakš budzie vykarystana suprać ich.
Vyhladaje, što hety sud budzie [taksama] vykarystany dla vialikaj prapahandysckaj kampanii.
Kamientary