Palityk Mikoła Statkievič, jaki, pavodle zajavy pres-sakratarki Natalli Ejsmant, byŭ pamiłavany Łukašenkam, raskazaŭ, što ŭ bazie MUS jon usio jašče źniavoleny PK-13 u Hłybokim.
Pačałosia z taho, što Statkievič zachacieŭ adnavić piensiju.
«Historyja z maim pašpartam, znojdzienym u SIZA-1, zajmieła praciah.
Vyśvietliłasia, što adnavić piensiju pa im adnym nielha — treba jašče daviedka ab vyzvaleńni. Tym bolej, što, jak mnie paviedamili, zhodna z bazaj dadzienych MUS ja dahetul ličusia źniavolenym u PK-13 u Hłybokim.
Pryjšłosia znoŭ jechać u toj SIZA-1 za daviedkaj pra vyzvaleńnie.
Ale tam namieśnik načalnika pa apieratyŭnaj pracy paviedamiŭ mnie, što takoj daviedki mnie dać nie mohuć, bo jany mianie «nie vyzvalali», a ja byŭ vyviezieny z turemnaj balnicy pry SIZA «płanavym kanvojem».
A pašpart i rečy mnie addali, bo jany «naležać mnie», — raspavioŭ palityk.
Jon zhadaŭ słovy Ejsmant pra vyzvaleńnie jaho pa pamiłavańni. «Pryhadvaju, jak adna aficyjnaja dama ŭ televizary śćviardžała, što mianie, nibyta, vyzvalili zhodna z «ukazam ab pamiłavańni» jašče ŭ vieraśni minułaha hoda. Ale chto toj ukaz bačyŭ… A damy byvajuć časam takimi pieramienlivymi. Ciapier ja kančatkova zabłytaŭsia ŭ svaim siońniašnim jurydyčnym statusie i miescaznachodžańni», — napisaŭ Statkievič u telehramie.
Ciapier čytajuć
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary
A siejčas ni statusa, ni pasporta dla vyjezda, ni piensii, nikakich prav i ch zn kakoj urovień lečienija.
Začiem? Čtob vsie skazali kakoj Statkievič hieroj?