Палітык Мікола Статкевіч, які, паводле заявы прэс-сакратаркі Наталлі Эйсмант, быў памілаваны Лукашэнкам, расказаў, што ў базе МУС ён усё яшчэ зняволены ПК-13 у Глыбокім.
Пачалося з таго, што Статкевіч захацеў аднавіць пенсію.
«Гісторыя з маім пашпартам, знойдзеным у СІЗА-1, займела працяг.
Высветлілася, што аднавіць пенсію па ім адным нельга — трэба яшчэ даведка аб вызваленні. Тым болей, што, як мне паведамілі, згодна з базай дадзеных МУС я дагэтуль лічуся зняволеным у ПК-13 у Глыбокім.
Прыйшлося зноў ехаць у той СІЗА-1 за даведкай пра вызваленне.
Але там намеснік начальніка па аператыўнай працы паведаміў мне, што такой даведкі мне даць не могуць, бо яны мяне «не вызвалялі», а я быў вывезены з турэмнай бальніцы пры СІЗА «планавым канвоем».
А пашпарт і рэчы мне аддалі, бо яны «належаць мне», — распавёў палітык.
Ён згадаў словы Эйсмант пра вызваленне яго па памілаванні. «Прыгадваю, як адна афіцыйная дама ў тэлевізары сцвярджала, што мяне, нібыта, вызвалілі згодна з «указам аб памілаванні» яшчэ ў верасні мінулага года. Але хто той указ бачыў… А дамы бываюць часам такімі пераменлівымі. Цяпер я канчаткова заблытаўся ў сваім сённяшнім юрыдычным статусе і месцазнаходжанні», — напісаў Статкевіч у тэлеграме.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
А сейчас ни статуса, ни паспорта для выезда, ни пенсии, никаких прав и х зн какой уровень лечения.
Зачем? Чтоб все сказали какой Статкевич герой?