Chłopiec prajhraŭ hrošy ŭ kazino, a mamie skazaŭ, što staŭ achviaraj machlaroŭ
21‑hadovy žychar Minska źviarnuŭsia ŭ milicyju i zajaviŭ, što jaho nibyta abduryli machlary. Maŭlaŭ, jamu telefanavali, pałochali kryminalnaj adkaznaściu i pahražali žyćciu brata, paśla čaho jon uziaŭ kredyt na 30 tysiač rubloŭ i pieradaŭ hrošy praz «zakładku».
Milicejskaja pravierka, adnak, pakazała, što hetaja historyja była prydumanaja. Nasamreč nijakich zvankoŭ ad machlaroŭ da hetaha čałavieka nie było. Jon sam uziaŭ kredyt i patraciŭ hrošy ŭ anłajn-kazino. Dla taho ž, kab nie pryznavacca ŭ hetym mamie, jon vyrašyŭ prydumać viersiju pra ašukancaŭ.
Chłopiec raźličvaŭ, što paśla zajavy ŭ milicyju jamu mohuć śpisać doŭh, ale hetyja nadziei byli marnyja ad pačatku: navat sapraŭdnyja achviary machlaroŭ abaviazanyja vypłačvać kredyty, uziatyja imi ŭ banku.
Ciapier ža pa hetym fakcie zaviedziena pravierka, a za zaviedama iłžyvy danos u Biełarusi praduhledžanaja kryminalnaja adkaznaść — ad štrafu da pazbaŭleńnia voli da troch hadoŭ.
Pierad śviatami machlary śpiašajucca pavinšavać ludziej paštoŭkami z padvocham
U Minsku mužčyna abduryŭ 9 čałaviek padčas ździełak z aŭtamabilami
Taksist sa Stoŭbcaŭ pačuŭ, što piensijanierka jedzie na sustreču z machlarami, i patelefanavaŭ u milicyju
«U milicyju adpraviła mama». Minskaha studenta ašukali machlary i prymusili stać ich kurjeram
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary