U Minsku mužčyna abduryŭ 9 čałaviek padčas ździełak z aŭtamabilami
U Minsku zatrymali 52‑hadovaha mužčynu, jakoha padazrajuć u machlarstvie pry kupli i prodažy aŭtamabilaŭ, paviedamlaje pres-słužba HUUS Minharvykankama.
Mužčyna znachodziŭ abjavy na internet-placoŭcy i źviazvaŭsia ź ludźmi, jakija pradavali svaje mašyny. Paśla sustrečy i ahladu transpartu jon prapanoŭvaŭ nie płacić adrazu, a pakidać raśpisku z adterminoŭkaj raźliku da troch miesiacaŭ. U vyniku pradaŭcy pieradavali jamu klučy i dakumienty, ale abiacanych hrošaj tak i nie atrymlivali.
Paśla hetaha mužčyna chutka pierapradaŭ aŭtamabili pa bolš nizkaj canie i vykarystoŭvaŭ atrymanyja srodki na ŭłasnyja patreby.
Akramia taho, jašče dvoje čałaviek stali achviarami padobnaj schiemy: jany pieraličyli mužčynie pieradapłatu za aŭto, ale mašyn tak i nie atrymali.
U ahulnym liku paciarpieli dzieviać čałaviek, a suma naniesienaj škody pieravysiła 21 tysiaču rubloŭ.
Viadoma, što raniej hety čałaviek užo pryciahvaŭsia da kryminalnaj adkaznaści za anałahičnyja złačynstvy. Ciapier u dačynieńni da jaho raspačali kryminalnuju spravu za machlarstva, a śledčyja vyśviatlajuć usie abstaviny i mahčymyja dadatkovyja epizody.
Taksist sa Stoŭbcaŭ pačuŭ, što piensijanierka jedzie na sustreču z machlarami, i patelefanavaŭ u milicyju
«U milicyju adpraviła mama». Minskaha studenta ašukali machlary i prymusili stać ich kurjeram
«Hartaŭ tyktok i pabačyŭ, jak žančyna raskazvaje pra machlaroŭ». Minčuk ledź nie staŭ kurjeram telefonnych ašukancaŭ
Siłaviki zanialisia zasnavalnikami dabračynnaha fondu «Cud dzieciam». Śćviardžajuć, što jany machlary
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary