Siłaviki zanialisia zasnavalnikami dabračynnaha fondu «Cud dzieciam». Śćviardžajuć, što jany machlary
Jak śćviardžajuć śledčyja, u 2024 hodzie čaćviora inšaziemcaŭ stvaryli ŭ Biełarusi arhanizacyju, jakaja aficyjna zajmałasia zboram hrošaj dla dapamohi ciažkachvorym dzieciam. Adnak faktyčna heta vykarystoŭvałasia jak prykryćcio dla niezakonnaj dziejnaści.
Da zboru achviaravańniaŭ załučyli bolš jak 120 padletkaŭ va ŭzroście 14—16 hadoŭ. Jany pracavali na vulicach u roznych abłasnych haradach (Hrodnie, Breście, Viciebsku, Homieli) i źbirali hrošy ŭ jakaści «vałancioraŭ».
Ale, jak śćviardžajuć siłaviki, tolki kala dziasiataj častki sabranych srodkaŭ sapraŭdy išła na zajaŭlenyja mety. Astatnija hrošy — prykładna 400 tysiač rubloŭ — arhanizatary vyvieźli za miažu i vykarystoŭvali dla ŭłasnych patreb. Pry hetym jość padazreńni, što realnaja suma moža być jašče bolšaj.
Padčas pravierki ŭ fihurantaŭ kanfiskavali kampjutarnuju techniku, dakumienty i častku hrošaj.
Pa hetym fakcie zaviali kryminalnuju spravu za machlarstva. Padazravanym pahražaje da 12 hadoŭ pazbaŭleńnia voli.
Fond «Cud dzieciam» byŭ zarehistravany ŭ Minsku ŭ 2024 hodzie. Jaho zasnavalnikami paznačany Erniest Ivanoŭ i Davyd Syčoŭ, a kiraŭnikom — Alaksiej Łučšaŭ. Na hety momant zatrymany tolki adzin z padazravanych. Astatnija fihuranty spravy znachodziacca za miežami Biełarusi.
Ułady patłumačyli, čamu likvidavali arhanizacyju «KinderVita», jakaja dapamahała dzieciam, chvorym na rak
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Likvidavali fond «KinderVita», jaki dapamahaŭ dzieciam z ankałahičnymi zachvorvańniami
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty7
Kamientary