Сілавікі заняліся заснавальнікамі дабрачыннага фонду «Цуд дзецям». Сцвярджаюць, што яны махляры
Як сцвярджаюць следчыя, у 2024 годзе чацвёра іншаземцаў стварылі ў Беларусі арганізацыю, якая афіцыйна займалася зборам грошай для дапамогі цяжкахворым дзецям. Аднак фактычна гэта выкарыстоўвалася як прыкрыццё для незаконнай дзейнасці.
Да збору ахвяраванняў залучылі больш як 120 падлеткаў ва ўзросце 14—16 гадоў. Яны працавалі на вуліцах у розных абласных гарадах (Гродне, Брэсце, Віцебску, Гомелі) і збіралі грошы ў якасці «валанцёраў».
Але, як сцвярджаюць сілавікі, толькі каля дзясятай часткі сабраных сродкаў сапраўды ішла на заяўленыя мэты. Астатнія грошы — прыкладна 400 тысяч рублёў — арганізатары вывезлі за мяжу і выкарыстоўвалі для ўласных патрэб. Пры гэтым ёсць падазрэнні, што рэальная сума можа быць яшчэ большай.
Падчас праверкі ў фігурантаў канфіскавалі камп’ютарную тэхніку, дакументы і частку грошай.
Па гэтым факце завялі крымінальную справу за махлярства. Падазраваным пагражае да 12 гадоў пазбаўлення волі.
Фонд «Цуд дзецям» быў зарэгістраваны ў Мінску ў 2024 годзе. Яго заснавальнікамі пазначаны Эрнест Іваноў і Давыд Сычоў, а кіраўніком — Аляксей Лучшаў. На гэты момант затрыманы толькі адзін з падазраваных. Астатнія фігуранты справы знаходзяцца за межамі Беларусі.
Улады патлумачылі, чаму ліквідавалі арганізацыю «КіндэрВіта», якая дапамагала дзецям, хворым на рак
«Не забірайце ў дзяцей са смяротным дыягназам апошняе!» Блізкія хворых на рак дзяцей звярнуліся да Лукашэнкі з просьбай не знішчаць фонд «КіндэрВіта»
Ліквідавалі фонд «КіндэрВіта», які дапамагаў дзецям з анкалагічнымі захворваннямі
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары