Ułady patłumačyli, čamu likvidavali arhanizacyju «KinderVita», jakaja dapamahała dzieciam, chvorym na rak
Dziejnaść arhanizacyi spynili pa rašeńni kalehii Hałoŭnaha ŭpraŭleńnia justycyi Minharvykankama. Pavodle aficyjnaj viersii, pryčyna ŭ tym, što dziejnaść arhanizacyi nie adpaviadała metam i zadačam, prapisanym u statucie.
Čynoŭniki zapeŭnili, što miera «vykanana ŭ strohaj adpaviednaści» z dekretam №1 «Ab dziaržrehistracyi i likvidacyi (spynieńni dziejnaści) subjektaŭ haspadarańnia», a zrabili heta «ŭ suviazi z vyjaŭleńniem nieadpaviednaści dziejnaści, jakaja ažyćciaŭlajecca, statutnym metam arhanizacyi». U čym prajaviłasia heta nieadpaviednaść, jany nie patłumačyli.
U toj ža čas u viedamstvie adznačyli, što rašeńnie možna było abskardzić u sudzie, ale zasnavalniki hetaha rabić nie stali, a zamiest taho, maŭlaŭ, pačali farmiravać niehatyŭnuju hramadskuju dumku praz publikacyi ŭ sacyjalnych sietkach.
Pra zakryćcio KinderVita stała viadoma 25 sakavika, choć samo rašeńnie było pryniata 19 sakavika. Zasnavalniki arhanizacyi paviedamlali, što na praciahu piaci hadoŭ pracavali zakonna, adkryta pakazvali spravazdačy i byli sumlennymi z padpisčykami. Jany adznačyli, što vymušanyja padparadkavacca rašeńniu ŭładaŭ, navat kali nie zhodnyja ź im.
Ciapier arhanizacyja płanuje na praciahu miesiaca zaviaršyć usie spravy: sabranyja achviaravańni nakirujuć na dapamohu chvorym dzieciam, a reštki rečaŭ — cacki i srodki hihijeny — pieradaduć u ankałahičny centr.
Pradstaŭniki KinderVita taksama vykazali nadzieju, što ŭ budučyni zmohuć znoŭ zajmacca dabračynnaściu, i padziakavali ŭsim, chto padtrymlivaŭ ich pracu i dapamahaŭ dzieciam.
Likvidacyjaj arhanizacyi byli pieradusim šakavanyja baćki chvorych dziaciej, jakim jana dapamahała. Jany zapisali i raźmiaścili ŭ sacyjalnych sietkach zvarot da Łukašenki.
«Kožny dzień «KinderVita» akazvaje nievierahodnuju padtrymku i kłopat. Jany radujuć dzietak padarunkami, ładziać zabaŭlalnyja mierapryjemstvy, majstar-kłasy. Arhanizujuć zbor hrašovych srodkaŭ dla ciažka chvorych dziaciej. Dla ŭsich nas «KinderVita» — heta nie prosta arhanizacyja. Heta — dobry čaraŭnik, jaki doryć našym dzieciam radaść i viartaje biesturbotnaje dziacinstva, dzie niama śloz, pakut, bolu», — padkreślivajecca ŭ zvarocie.
«Nie zabirajcie ŭ dzieciej sa śmiarotnym dyjahnazam apošniaje — uśmiešku!» — zaklikali ludzi.
Fond «KinderVita» zasnavała ŭ 2021 hodzie Nadzieja Mancevič. U 2019 hodzie ŭ jaje dziciaci dyjahnastavali ankałahičnaje zachvorvańnie, i jana vyrašyła stvaryć dabračynnuju arhanizacyju, kab dapamahać chvorym dzieciam. Za hady pracy fond pravioŭ mnostva jarkich akcyj dla dziaciej, jakija znachodziacca ŭ ankacentry. Z majstar-kłasam pierad imi vystupała pieramožca konkursu pryhažości Mrs. Globe Łana Hłumakova, a na praciahu niekalkich hadoŭ dziaciej z Novym hodam vinšavali alpinisty ŭ kaściumach Dziadoŭ Marozaŭ.
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Likvidavali fond «KinderVita», jaki dapamahaŭ dzieciam z ankałahičnymi zachvorvańniami
Z 2020 hoda ŭłady likvidavali 2000 hramadskich arhanizacyj
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary
Navriad li, pośle etich mastier-kłassov łukašienko, bolnym dietiam, stanoviłoś lehčie i łučšie.
V ich, pierieviornutom i izvraŝionnom mirie, lubyje dieńhi nie kontrolirujemyje khb i hubop łukašienko - uhroza niezakonno zachvačiennoj i niezakonno udierživajemoj vłasti łukašienko.
Oni uničtožat luboje količiestvo biełarusov, ich dietiej, čtoby sochraniť niezakonnuju vłasť.
Čtoby nie niesti otvieta za svoi priestuplenija protiv biełarusov i protiv dietiej biełarusov.