«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Blizkija dziaciej, chvorych na rak, źviarnulisia praz sacsietki da Alaksandra Łukašenki z prośbaj «admianić rašeńnie Minharvykankama ab likvidacyi dabračynnaha fonda «KinderVita».
«Kožny dzień «KinderVita» akazvaje nievierahodnuju padtrymku i kłopat. Jany radujuć dzietak padarunkami, ładziać zabaŭlalnyja mierapryjemstvy, majstar-kłasy. Arhanizujuć zbor hrašovych srodkaŭ dla ciažka chvorych dziaciej. Dla ŭsich nas «KinderVita» — heta nie prosta arhanizacyja. Heta — dobry čaraŭnik, jaki doryć našym dzieciam radaść i viartaje biesturbotnaje dziacinstva, dzie niama śloz, pakut, bolu», — padkreślivajecca ŭ zvarocie.
«Nie zabirajcie ŭ dzieciej sa śmiarotnym dyjahnazam apošniaje — uśmiešku!» — zaklikajuć ludzi.
Fond «KinderVita» zasnavała ŭ 2021 hodzie Nadzieja Mancevič. U 2019 hodzie ŭ jaje dziciaci dyjahnastavali ankałahičnaje zachvorvańnie, i jana vyrašyła stvaryć dabračynnuju arhanizacyju, kab dapamahać chvorym dzieciam. Za hady pracy fond pravioŭ mnostva jarkich akcyj dla dziaciej, jakija znachodziacca ŭ ankacentry. Z majstar-kłasam pierad imi vystupała pieramožca konkursu pryhažości Mrs. Globe Łana Hłumakova, a na praciahu niekalkich hadoŭ dziaciej z Novym hodam vinšavali alpinisty ŭ kaściumach Dziadoŭ Marozaŭ.
Dniami stała viadoma, što «KinderVita» spynić svajo isnavańnie. Rašeńnie ab hetym pryniała kalehija hałoŭnaha ŭpraŭleńnia justycyi Minharvykankama 19 sakavika. Pradstaŭniki fondu raskazali, što rašeńnie stała dla ich niečakanym. U paviedamleńni, apublikavanym u sacsietkach, jany zapeŭnivajuć, što viali prazrystuju dziejnaść: publikavali hadavyja spravazdačy i abnarodavali danyja pra zbory.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?26
Kamientary
Chotia, vozmožno, na miestie etoho fonda pojavitsia fond łukašistskoj siemiejki, kotoraja budiet dieńhi s etich sborov siebie v karman kłasť.
Urody!
Vsio dołžno idti čieriez karmany łukašienko, khb, hubopika.