Dzie ŭ Biełarusi zastalisia hreka-katalickija parafii i kolki ich?
Paśla pazbaŭleńnia rehistracyi troch hreka-katalickich parafij u Bresckaj vobłaści, paŭstała pytańnie: kolki supolnaściaŭ unijataŭ ciapier zastałosia ŭ Biełarusi i dzie? Takich aktualnych źviestak u adnym miescy niama, ale vydańnie Kalolik.life pasprabavała sabrać ich.
Akazałasia, što va ŭsioj Pinskaj dyjacezii zastałasia tolki adna hreka-katalickaja parafija — u Homieli.
U cełym, pavodle infarmacyi ŭ Adzinym dziaržaŭnym rehistry, u jaki pavinny być uniesienyja ŭsie relihijnyja arhanizacyi, 4 supolnaści dziejničajuć u Minsku, 1 — u Maładziečnie, 2 — u Viciebsku, 1 — u Połacku, 1 — u Oršy, 1 — u Mahilovie, 1 — u Homieli.
Taksama viadoma, što 1 parafija praciahvaje dziejnaść u Hrodnie, 1 — u Lidzie, choć źviestak pra hetyja arhanizacyi pošuk u Adzinym dziaržaŭnym rehistry nie vydaje.
Takim čynam, usie parafii, akramia troch supolnaściaŭ Brestčyny, atrymali novuju rehistracyju. I kali tak, to ciapier u Biełarusi zastałosia 13 hreka-katalickich parafij.
Siarod inšych prajšła pierarehistracyju i homielskaja parafija «Troch Śviacicielaŭ», jakaja była samaj pieršaj zarehistravana ŭ Biełarusi — pavodle dadzienych u rejestry. Heta adbyłosia ŭ śniežni 1991 hoda.
Hetaja supolnaść źjaŭlajecca niešmatlikaj i nie maje svajho chrama. Słužby prachodziać u homielskim kaściole zvyčajna dvojčy na miesiac, siudy pryjazdžaje słužyć śviatar z Mahilova. Najbližejšaja słužba, pavodle raskładu, pavinna adbycca 19 krasavika.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary