U Biełarusi niekalki hadoŭ dziejničała machlarskaja schiema ŭ dziaržaŭnych zakupkach: u tendarach udzielničali fiktyŭnyja kampanii, kab zabiaśpiečyć pieramohu zahadzia vyznačanamu pastaŭščyku. Usio raskryłasia padčas pravierki, jakuju pravioŭ Kamitet dziaržaŭnaha kantrolu.
Spačatku supracoŭniki KDK źviarnuli ŭvahu, što na adno z pradpryjemstvaŭ enierhasistemy pastupajuć prapanovy nibyta ad roznych firmaŭ. Adnak dakumienty vyklikali sumnieńni, a paśla pravierki vyśvietliłasia, što mnohija z hetych «udzielnikaŭ» faktyčna nie isnujuć: častka kampanij była likvidavanaja, inšyja ŭžo daŭno nie viali dziejnaści.
Schiema pracavała tak: stvaraŭsia vyhlad kankurencyi, ale ŭ vyniku tendary rehularna vyjhravała adna i taja ž kampanija. Jana zakuplała mietałakanstrukcyi ŭ biełaruskich vytvorcaŭ, a potym pierapradavała ich dziaržaŭnamu pradpryjemstvu ŭžo ź vialikaj nacenkaj — kala 100% zamiest dazvolenych 10%.
U vyniku takich dziejańniaŭ pradpryjemstvu byli naniesienyja straty na sumu bolš za 300 tysiač rubloŭ. Pa fakcie machlarstva zaviali kryminalnuju spravu, i ciapier vyśviatlajucca ŭsie abstaviny dy ŭdzielniki hetaj schiemy.
Kamientary