U Chocimskim rajonie pradavali pradukty z bolš čym stodzionnaj praterminoŭkaj
U kramach Chocimskaha rajona, što na krajnim uschodzie Biełarusi, padčas pravierki znajšli praterminavanyja pradukty. Pravierku pravioŭ Kamitet dziaržaŭnaha kantrolu, jaki ahledzieŭ piać viaskovych mahazinaŭ.
U čatyroch ź piaci kram znajšli tavary z praminułym terminam prydatnaści. U adnoj z kram praterminoŭki było adrazu 27 najmieńniaŭ. Pry hetym u niekatorych tavaraŭ termin prydatnaści skončyŭsia bolš jak sto dzion tamu. Usie takija pradukty ŭžo źniatyja z prodažu.
Taksama ŭ troch kramach nie było poŭnaha pieraliku tavaraŭ, jakija pavinny abaviazkova ŭ ich pradavacca, a ŭ adnym handlovym punkcie taki pieralik uvohule adsutničaŭ.
Akramia taho, u niekatorych miescach nie vykonvalisia patrebnyja tempieraturnyja ŭmovy zachoŭvańnia praduktaŭ, na častcy tavaraŭ nie było ceńnikaŭ i nieabchodnaj infarmacyi dla pakupnikoŭ, naprykład, pra vytvorcu abo datu vyrabu.
Paśla vypisvańnia Kamitetam dziaržaŭnaha kantrolu adpaviednaha pradpisańnia parušeńni, jak paviedamlajecca, pačali nieadkładna vypraŭlać.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary