У Хоцімскім раёне прадавалі прадукты з больш чым стодзённай пратэрміноўкай
У крамах Хоцімскага раёна, што на крайнім усходзе Беларусі, падчас праверкі знайшлі пратэрмінаваныя прадукты. Праверку правёў Камітэт дзяржаўнага кантролю, які агледзеў пяць вясковых магазінаў.
У чатырох з пяці крам знайшлі тавары з прамінулым тэрмінам прыдатнасці. У адной з крам пратэрміноўкі было адразу 27 найменняў. Пры гэтым у некаторых тавараў тэрмін прыдатнасці скончыўся больш як сто дзён таму. Усе такія прадукты ўжо знятыя з продажу.
Таксама ў трох крамах не было поўнага пераліку тавараў, якія павінны абавязкова ў іх прадавацца, а ў адным гандлёвым пункце такі пералік увогуле адсутнічаў.
Акрамя таго, у некаторых месцах не выконваліся патрэбныя тэмпературныя ўмовы захоўвання прадуктаў, на частцы тавараў не было цэннікаў і неабходнай інфармацыі для пакупнікоў, напрыклад, пра вытворцу або дату вырабу.
Пасля выпісвання Камітэтам дзяржаўнага кантролю адпаведнага прадпісання парушэнні, як паведамляецца, пачалі неадкладна выпраўляць.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы15
Каментары