Ministr abarony ZŠA Pit Chiehsiet znoŭ nie budzie ŭdzielničać u pasiadžeńni kantaktnaj hrupy pa abaronie Ukrainy ŭ farmacie «Ramštajn», jakoje adbudziecca na hetym tydni.
Pavodle infarmacyi krynic vydańnia Politico, ZŠA stanuć adnoj ź niamnohich krain, jakija nie nakiravali na hetu sustreču vysokapastaŭlenaha pradstaŭnika abaronnaha viedamstva. Heta moža śviedčyć pra źmienu pryjarytetu administracyi Donalda Trampa.
Zamiest Chiehsieta ŭ anłajn-sustrečy voźmie ŭdzieł kiraŭnik adździeła palityki Pientahona Ełbrydž Kołbi. Adznačajecca, što ZŠA ŭsio bolš raźličvajuć na toje, što Jeŭropa voźmie na siabie asnoŭnuju adkaznaść za pastaŭki zbroi Ukrainie.
U pasiadžeńni płanujuć udzielničać bolš za 50 ministraŭ abarony krain, jakija padtrymlivajuć Ukrainu. Kaardynavać sustreču buduć pradstaŭniki Hiermanii i Vialikabrytanii, bo ZŠA admovilisia ad viadučaj roli ŭ hetaj hrupie.
Taksama na sustrečy nie budzie hałoŭnakamandujučaha siłami NATA ŭ Jeŭropie — jaho zamieniać namieśniki.
Raniej Piter Chiehsiet zajaŭlaŭ, što prablemy z vajskovymi zapasami ŭ ZŠA źviazanyja z rašeńniami papiaredniaj administracyi, u tym liku z pastaŭkami zbroi Ukrainie za Džo Bajdenam. Ciapier, pavodle jaho słoŭ, padychody da vykarystańnia vajskovych resursaŭ pierahladajucca.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary