Міністр абароны ЗША Піт Хегсет зноў не будзе ўдзельнічаць у пасяджэнні кантактнай групы па абароне Украіны ў фармаце «Рамштайн», якое адбудзецца на гэтым тыдні.
Паводле інфармацыі крыніц выдання Politico, ЗША стануць адной з нямногіх краін, якія не накіравалі на гэту сустрэчу высокапастаўленага прадстаўніка абароннага ведамства. Гэта можа сведчыць пра змену прыярытэту адміністрацыі Дональда Трампа.
Замест Хегсета ў анлайн-сустрэчы возьме ўдзел кіраўнік аддзела палітыкі Пентагона Элбрыдж Колбі. Адзначаецца, што ЗША ўсё больш разлічваюць на тое, што Еўропа возьме на сябе асноўную адказнасць за пастаўкі зброі Украіне.
У пасяджэнні плануюць удзельнічаць больш за 50 міністраў абароны краін, якія падтрымліваюць Украіну. Каардынаваць сустрэчу будуць прадстаўнікі Германіі і Вялікабрытаніі, бо ЗША адмовіліся ад вядучай ролі ў гэтай групе.
Таксама на сустрэчы не будзе галоўнакамандуючага сіламі НАТА ў Еўропе — яго заменяць намеснікі.
Раней Пітэр Хегсет заяўляў, што праблемы з вайсковымі запасамі ў ЗША звязаныя з рашэннямі папярэдняй адміністрацыі, у тым ліку з пастаўкамі зброі Украіне за Джо Байдэнам. Цяпер, паводле яго слоў, падыходы да выкарыстання вайсковых рэсурсаў пераглядаюцца.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары