Kiraŭnik Pientahona Chiehset zvolniŭ načalnika štaba Suchaputnych vojskaŭ ZŠA
Źmiena načalnika štaba vyhladaje davoli niezvyčajnym krokam u momant, kali ZŠA razam ź Izrailem viaduć vajnu suprać Irana.
Načalnik štaba Suchaputnych vojskaŭ ZŠA Rendzi Džordž pajšoŭ u adstaŭku, paćvierdziŭ Pientahon. Raniej niekalki amierykanskich ŚMI, paviedamili, što sychodu Džordža zapatrabavaŭ ministr abarony ZŠA Pit Chiehset, piša Bi-bi-si.
Aficyjny pradstaŭnik Minabarony Šon Parneł napisaŭ u sietcy Ch, što Džordž «nieadkładna pojdzie na piensiju sa svajoj pasady 41‑ha načalnika štaba Suchaputnych vojskaŭ».
Zvyčajna načalniki štaba Armii ZŠA pracujuć na praciahu čatyroch hadoŭ. Były prezident ZŠA Džo Bajden pryznačyŭ na jaje Džordža ŭ 2023 hodzie.
Źmiena načalnika štaba vyhladaje davoli niezvyčajnym krokam u momant, kali ZŠA razam ź Izrailem viaduć vajnu suprać Irana — adnu z najbujniejšych vajennych apieracyj amierykanskich vajennych u apošnija hady.
61‑hadovy Džordž — kadravy aficer i vypusknik samaj prestyžnaj amierykanskaj Vajennaj akademii Uest-Pojnt. Jon prymaŭ udzieł u pieršaj vajnie ŭ Piersidskim zalivie, a taksama ŭ kanfliktach u Iraku i Afhanistanie.
Ab pryčynach jaho sychodu aficyjna nie paviedamlajecca. «My ŭdziačnyja jamu za słužbu, ale pryjšoŭ čas pamianiać kiraŭnictva armii», — skazaŭ CBS News nienazvany pradstaŭnik Pientahona.
Zamiest Džordža pasadu kiraŭnika štaba Armii budzie časova zajmać hienierał Krystafier Ła Niŭ.
Jak paviedamlaje CBS News, razam z Džordžam byli taksama zvolnieny jašče dva vysokapastaŭlenyja aficery: hienierał Devid Chodnie, jaki ŭznačalvaŭ armiejskaje Kamandavańnie pa transfarmacyi i navučańni, a taksama hienierał-major Uiljam Hryn, kiraŭnik Kapiełanskaha korpusa.
U minułym Džordž byŭ pamočnikam tahačasnaha ministra abarony Łojda Ościna (jon zajmaŭ hetuju pasadu padčas prezidenctva Bajdena).
Uvosień minułaha hoda Džordž taksama jeździŭ va Ukrainu ŭ składzie amierykanskaj vajennaj delehacyi na čale ź ministram suchaputnych vojskaŭ Denam Dryskołam, jakaja, zhodna z paviedamleńniami, abmiarkoŭvała mirnyja pieramovy z Rasijaj.
Paśla prychodu Donalda Trampa ŭ Bieły dom svaich pasad pazbavilisia bolš za 10 vysokapastaŭlenych vajennych, u tym liku staršynia Abjadnanaha kamiteta načalnikaŭ štaboŭ hienierał Čarlz Braŭn, načalnik štaba VMF admirał Liza Frankieci, namieśnik kiraŭnika štaba VPS hienierał Džym Słajf, i načalnik vajennaj raźviedki Džefry Kruz.
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku19
Kamientary
Vykazvał svaju dumku ab niebiaśpieki adsutnaści karyści mety jakija dasiahnie ZŠA hetaj avanturaj
Paśla pad słuchańnia u Kanhresie u sudach dzie Vens ińšyja budut adkazvać...šmat niuansaŭ daviedajemsia.
Hałoŭnaje i zaraz zrazumieła avantura u jakuju Trampa ZŠA urešcie rešt uciahnuł Nietańjacha z dapamohaj " dadziennych" masad ..
[Red. Vydalena]
[Zredahavana]
łukašienko, s piervoho dnia svojeho priebyvanija u vłasti, 31 hod podriad, uvolniajet vsiech, kto umnieje jeho i imiejet svoju točku zrienija, otličnuju ot łukašienko, niezavisimo ot toho, kakije ubytki poniesiot Biełaruś i biełarusy.
Vied́ v Amierikie pojaviłsia svoj łukašienko.
Vsio łohično s točki zrienija amierikanskoho łukašienko.