«Ja pa-raniejšamu kładusia ŭ łožak sa svaim mužam». Marharyta Simańjan trymaje prach Tyhrana Kieasajana na tumbačcy kala łožka
Rasijskaja prapahandystka, kiraŭnica telekanała Russia Today Marharyta Simańjan raskazała pra svaje asabistyja pieražyvańni paśla śmierci muža — režysiora i taksama prapahandysta Tyhrana Kieasajana.
Simańjan zajaviła, što nie pachavała muža ŭ zvyčajnym razumieńni. Pavodle jaje słoŭ, prach muža zaraz znachodzicca ŭ domie — u spalni, na tumbačcy kala łožka.
«Moj kožny dzień pačynajecca z dumki pra jaho i zakančvajecca. Tak choć niešta jość sa mnoj pobač. Ja pa-raniejšamu kładusia ŭ łožak sa svaim mužam. A što ty mnie prapanuješ zrabić? Schavać heta ŭ šafu? Ja ž viedaju, što jon pobač. Viedaju, što jon rady, što heta tak», — raskazała jana.
Taksama jana raskazała, što jany z Kieasajanam zahadzia abmiarkoŭvali, dzie buduć pachavanyja. Płanujecca, što ŭ budučyni ich prach źmiašajuć i źmieściać u śpiecyjalny šklany sarkafah, jaki budzie ŭstalavany kala doma pad drevam.
«Dzie my budziem lažać, my damovilisia daŭnym-daŭno. U nas u domie, jaki my budavali piać hadoŭ i narešcie dabudoŭvaju ciapier užo ja, my tudy ŭžo ŭjechali, — tam pinija pasadžanaja. «Ja budu lažać pad hetaj pinijaj. I ty budzieš sa mnoj pobač». Ja skazała: «Viadoma, Tyhraša, tak i budzie».
I ciapier ja buduju šklany sarkafah. Pakul jaho prach pobač sa mnoj, na tumbačcy pry łožku. Potym ja paprašu moj prach i jahony prach pieramiašać i pastavić u hety sarkafah. I my tam budziem ź im, pad pinijaj. Ničoha ŭ hetym niama sumnaha», — zajaviła prapahandystka, jakaja ciapier lečycca ad raku.
Muž Simańjan, 59‑hadovy Tyhran Kieasajan, pamior u vieraśni minułaha hoda, pierad tym pralažaŭšy dzieviać miesiacaŭ u komie.
«Prosta katastrofa». Prapahandystka Simańjan raspaviała, što adno ź jaje dziaciej nievylečna chvoraje
Marharyta Simańjan upieršyniu paśla chimijaterapii pakazała siabie biez paryka
Pamior rasijski prapahandyst Tyhran Kieasajan. Dzieviać miesiacaŭ jon pralažaŭ u komie
«Chutka ŭbačycie mianie ŭ parykach». Marharyta Simańjan zajaviła, što lečycca ad raku
«Mianie hrochnuć na druhi dzień». Prapahandystka Simańjan raskazała, jak chacieła jechać vajavać — a paśla pieradumała
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ48
Kamientary