Budučy premjer Vienhryi zajaviŭ, što hatovy adkazać na zvanok Pucina, kali toj sam vyjdzie na suviaź, ale pieršym telefanavać u Kreml nie źbirajecca.
Na pres-kanfierencyi Madźjar skazaŭ, što ŭ takoj razmovie paprasiŭ by Pucina «narešcie spynić zabojstvy» i zaviaršyć vajnu suprać Ukrainy. Pry hetym jon adrazu dadaŭ, što nie vieryć, što takaja razmova ŭvohule adbudziecca, a kali i adbudziecca, to, vierahodna, budzie karotkaj, piša Bild.
Pa słovach Madźjara, vajna suprać Ukrainy nie maje sensu i dla samoj Rasii, bo ŭžo pryviała da hibieli dziasiatkaŭ tysiač rasijskich vajskoŭcaŭ i zrujnavała žyćci mnohich siemjaŭ. Jon taksama havaryŭ pra razburanyja ŭkrainskija harady, zabitych mirnych žycharoŭ i hvałt.
Pry hetym budučy kiraŭnik urada daŭ zrazumieć, što Budapiešt pry im usio ž budzie imknucca da prahmatyčnych adnosin z Maskvoj, pieradusim praz zaležnaść Vienhryi ad rasijskich enierharesursaŭ i prajekt pašyreńnia AES u Pakšy.
Madźjar padkreśliŭ, što novy ŭrad źbirajecca pravieryć usie pahadnieńni z Rasijaj: pry nieabchodnaści ich buduć pierahladać, pieraŭzhadniać abo ŭvohule skasoŭvać.
Adnačasova jon daŭ zrazumieć, što nie źbirajecca pieršym telefanavać i Donaldu Trampu, choć ličyć ZŠA važnym partnioram Vienhryi.
Zamiest hetaha Madźjar skazaŭ, što byŭ by rady bačyć amierykanskaje kiraŭnictva ŭ Budapiešcie na hadavinu vienhierskaha paŭstańnia 1956 hoda.
Ciapier čytajuć
Siostry Hruździevy ciapier važać pad 100 kiłahramaŭ kožnaja21
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary