Dyrektaram Teatra lalek pryznačyli byłoha milicyjaniera i achoŭnika «Jeŭraopta»
Dyrektaram Biełaruskaha dziaržaŭnaha teatra lalek — na ciapierašni momant samaha papularnaha teatra ŭ krainie — u krasaviku byŭ pryznačany 49‑hadovy Viačasłaŭ Leanienka. Jak vyśvietliła «Lusterka» z dapamohaj «Kibierpartyzan», heta vychadziec ź siłavych struktur, major milicyi, jaki da hetaha pracavaŭ u śfiery achovy.
Pasada dyrektara teatra zastavałasia vakantnaj ź lutaha hetaha hoda, paśla zvalnieńnia minułaj kiraŭnicy Taćciany Toŭścik (u kalektyvie śćviardžali, što jana syšła sama, kab viarnucca da vykładčyckaj pracy).
Viačasłaŭ Leanienka z 2024 hoda ličyŭsia ŭ Teatry lalek namieśnikam dyrektara. Adnak na sajcie teatra nie było nijakaj infarmacyi pra toje, chto hety čałaviek, nie źjaviłasia tam jaho bijahrafija i ciapier, kali Leanienku pryznačyli dyrektaram. Źviestak pra jaho ŭ niejkich adkrytych krynicach niama.
Heta niezvyčajna dla čałavieka, jaki stanovicca kiraŭnikom bujnoha teatra: jak praviła, takija pasady atrymlivajuć čynoŭniki sa śfiery kultury, zhadki pra jakich jość jak minimum u dziaržaŭnaj presie. U toj ža čas adsutnaść publičnaj infarmacyi zvyčajna śviedčyć pra siłavoje minułaje čałavieka. My pravieryli jaho danyja z dapamohaj «Kibierpartyzan» — padazreńni apraŭdalisia.
Viačasłaŭ Leanienka skončyŭ Akademiju MUS u 2001 hodzie, pracavaŭ u staličnaj milicyi i da 2008‑ha dasłužyŭsia da majora. U 2012 hodzie 35‑hadovaha milicyjaniera zvolnili z pasady staršaha ekpierta-kryminalista Zavodskaha RUUS Minska da zakančeńnia terminu kantrakta pa zhodzie bakoŭ (abstaviny nieviadomyja). Adrazu paśla hetaha Leanienka ŭładkavaŭsia ŭ «Jeŭrahandal» (sietka «Jeŭraopt») u słužbu achovy i ŭ 2015‑m staŭ namieśnikam načalnika achovy. U 2017 hodzie pierajšoŭ u «Dabranom» (sietki «Kapieječka», «Majak» i «Dabranom»).
U listapadzie 2023 hoda Leanienka raptam znoŭ akazaŭsia patrebny dziaržavie i pastupiŭ na pracu ŭ Zavodskuju rajonnuju arhanizacyju hramadskaha abjadnańnia «Biełaja Ruś» (ciapier pieratvorana ŭ hałoŭnuju partyju ŭłady) na nieviadomaj pasadzie. A ŭžo praz dva miesiacy, u studzieni 2024-ha, byŭ pryznačany namieśnikam dyrektara Teatra lalek.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju6
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary