«Ptušak amal usich źjeli». Lisy teraryzujuć viosku pad samym Minskam
Miascovyja žychary kažuć, što za doŭhija hady ŭpieršyniu sutyknulisia z nastolki dziorzkimi nabiehami dzikich žyvioł. Rudyja drapiežnicy ŭsio čaściej vychodziać da ludziej. Ich rehularna zaŭvažajuć u haradach, a ŭ vioskach jany i zusim adčuvajuć siabie haspadarami, piša Tochka.by.
Hetym razam źviary ablubavali viosku Zacań, raźmieščanuju adrazu za Minskaj kalcavoj. Pra lisinyja nabiehi ŭ Threads raskazała miascovaja žycharka.
Pavodle jaje słoŭ, u vioscy ŭžo kala miesiaca adbyvajecca sapraŭdny bandycki verchał.
«Lisy pa načach kraduć kuračak i trusoŭ (a kuračak tut trymajuć mnohija). Kožnuju noč pa 10—20 ptušak źnikajuć ad hetych rudych! Ptušak amal usich źjeli. Žychary ŭ panicy, dumajem źviartacca ŭ słužby. Kolki hadoŭ žyviom, takoha tut jašče nie było», — emacyjna napisała žančyna.
U paćvierdžańnie svaich słoŭ aŭtarka pasta apublikavała videa z kamiery nazirańnia.
Vidieo: yuliyachern / Threads pic.twitter.com/dCz0lkrXdT
Na kadrach bačna, jak lisa sa zdabyčaj u paščy imkliva biažyć pa darozie. Miarkujučy pa ŭsim, drapiežnica kirujecca ŭ bok lesu z čarhovym trafiejem.
Pad publikacyjaj biełarusy ŭ pieršuju čarhu paraili nie zaciahvać sa zvarotam u profilnyja słužby.
«Źviartajciesia ŭ miascovy lashas, niachaj palaŭnictvaznaviec vyrašaje pytańnie. Akramia niepasrednaj materyjalnaj škody, lisy — pieranosčyki šalenstva. Capnie haspadarovaha sabaku, kocika ci kozačku — i pryvitańnie budzie ŭsim», — adznačyła adna z udzielnic abmierkavańnia.
Jaje aściarohi nie biespadstaŭnyja. Lisy sapraŭdy ličacca adnymi z hałoŭnych pieranosčykaŭ šalenstva — zachvorvańnia, jakoje paražaje niervovuju sistemu i biez svoječasovaj miedycynskaj dapamohi pryvodzić da hibieli.
Ciapier čytajuć
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary