U Dziaržynskim rajonie ŭ dvor pryjšła lisa z prykmietami šalenstva
U vioscy Cielaševičy Dziaržynskaha rajona miascovyja žychary znajšli na svaim padvorku lisu z mahčymymi prykmietami šalenstva. U sacsietkach źjaviłasia videa, na jakim vidać, jak žyviolina lažyć u sutarhach, piša vydańnie dzr.by.
Pavodziny i stan lisy vyklikali padazreńni: mocnyja sutarhi mohuć być adnoj z charakternych prykmiet šalenstva. Niekatoryja karystalniki, adnak, mierkavali, što pryčynaj mahło być mocnaje atručvańnie.
Žychary vioski skardzilisia, što doŭhi čas nie mahli dačakacca reakcyi adpaviednych słužbaŭ. Adnak u rajonnaj vieterynarnaj stancyi paviedamili, što ź ludźmi, jakija da ich źviarnulisia, źviazalisia jašče raniej. Na momant pravierki lisy ŭžo nie było na padvorku — jana pajšła adtul sama.
Vieterynarnaja słužba płanuje pravieści dezynfiekcyju miesca, dzie znachodziłasia žyviolina.
Śpiecyjalisty nahadvajuć, što šalenstva — vielmi niebiaśpiečnaje virusnaje zachvorvańnie, jakoje paśla źjaŭleńnia simptomaŭ amal zaŭsiody pryvodzić da hibieli. Pieranosčykami chvaroby časta stanoviacca dzikija žyvioły, u tym liku lisy, janotapadobnyja sabaki, barsuki, vožyki i kažany.
Prykmiety chvoraj žyvioliny:
- adsutnaść zvyčajnaj aściarožnaści pierad čałaviekam;
- ahresiŭnaść abo, naadvarot, nienaturalny spakoj;
- ślinaciok, piena kala rota;
- parušeńnie kaardynacyi ruchaŭ;
- sutarhi i paralič.
Žycharam rekamiendujuć nie padychodzić da padazronych dzikich žyvioł, nie sprabavać im dapamahčy i nie dapuskać da ich dziaciej i chatnich hadavancaŭ. Pry ŭkusie abo traplańni śliny žyvioliny na paškodžanuju skuru nieabchodna nieadkładna pramyć miesca kantaktu vadoj z myłam i źviarnucca pa miedycynskuju dapamohu.
Dla prafiłaktyki ŭ Dziaržynskim rajonie pravodziać vakcynacyju dzikich žyvioł: u miescach ich pražyvańnia raskładajuć śpiecyjalnyja prynady z vakcynaj. Taksama vieterynary nahadvajuć pra nieabchodnaść štohadovaha pryščaplańnia svojskich žyvioł suprać šalenstva.
Sabaka ŭkusiŭ dzicia niepadalok ad dziciačaj placoŭki, kali toje sprabavała zaleźci na dreva? Viersii maci i haspadara
Chłopčyk pamior ad šalenstva paśla kantaktu z kažanom — toj sieŭ małomu na tvar, pakul jon spaŭ
Byłoha vieterynara z Barysava pakusaŭ biazdomny sabaka, ale da daktaroŭ mužčyna nie pajšoŭ
Ci možna zarazicca šalenstvam prosta ad drapiny kata?
Biełaruska zaraziłasia šalenstvam ad biazdomnaha kata, a da doktara nie pajšła
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary