Jamy, raskoliny i vyboiny. U Hrodnie žychary ŭsio čaściej skardziacca na stan tratuaraŭ
U Threads źjaviŭsia post pra raźbity piešachodny tratuar na spusku kala Skidzielskaha rynku ŭ Hrodnie. Ale, jak pakazali kamientary da jaho, prablema daloka nie łakalnaja, piša telehram-kanał pra haradskoje asiarodździe Hrodna Urban Hrodna.
Hrodziency pišuć, što padobnyja tratuary jość u roznych mikrarajonach horada. Chtości ŭzhadvaje šlachi da lesaparkaŭ, inšyja — terytoryju kala byłoha Centra kultury «Junactva», dzie, pavodle słoŭ miascovych žycharoŭ, prystupki ŭžo niebiaśpiečnyja praz armaturu, jakaja ź ich tyrčyć.
Skarhi hučać i na stan rovarnych darožak: adzin z kamientataraŭ raskazaŭ, što paśla padzieńnia ravarysta daviałosia vyklikać chutkuju dapamohu.
Aŭtarka dopisu zaklikaje źviartacca ŭ słužbu 115.bieł i pakidać zajaŭki. Adnak u kamientarach mierkavańni nakont jaje efiektyŭnaści razyšlisia. Adny adznačajuć, što paśla zvarotaŭ prablemy vypraŭlajuć davoli chutka. Inšyja śćviardžajuć, što ich zajaŭki zakryvajuć biez realnaha ramontu abo jany miesiacami zastajucca «na kantroli».
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
U mietro pakazali, jak niepaznavalna za 30 hadoŭ źmianilisia vakolicy stancyi «Uschod» FOTAFAKT
U Połacku paśla rekanstrukcyi adkryli most cieraz raku Pałatu
Da «Dažynak» u Kalinkavičach mianiajuć ružovuju plitku na błakitnuju, a cana kaśmičnaja
Kamientary