U vahonach minskaha mietro źjaviłasia novaja schiema. Jana maje adnu vialikuju niazručnaść
U ciahnikach mietro siamiejstva «Minsk-2024», jakija vychodziać na Aŭtazavodskuju (druhuju) liniju, źjaviłasia novaja schiema mietro. Jana vykanana ŭ vyhladzie vuzkaj elektronnaj schiemy i raźmieščana nad dźviaryma sastavu, piša Blizko.by.
Hod tamu pakazvali anałahičnuju schiemu na treciaj linii mietro, i tady jana vyklikała niamała narakańniaŭ. A ciapier źjaviłasia na druhoj linii, dzie inšaja kolkaść stancyj, inšyja nazvy i raźmiaščeńnie pierasadačnych vuzłoŭ.
Dla pačatku pakažam, jakija schiemy źjavilisia ŭ 2025‑m na treciaj linii.
Mietrapaliten aficyjna paviedamlaŭ, što zroblena heta na prośbu pasažyraŭ (u asnoŭnym starejšaha pakaleńnia) dla lepšaha ŭsprymańnia infarmacyi. Infarmacyja stała bolš zrazumiełaj, śćviardžaje pres-słužba mietro, a šryfty — zaŭvažna bujniejšymi, što asabliva aktualna dla pasažyraŭ starejšaha ŭzrostu.
U pasažyraŭ uźnikli takija narakańni:
«Vyhladaje jak niejkaje pryvitańnie z nulavych / pačatku dziasiatych, pryčym u maksimalna stromnym farmacie».
«Zanadta šmat jarkaha zialonaha, dy i sama schiema pad nachiłam strašna vyhladaje. Pieršy dyzajn vyhladaŭ značna spakajniejšym i pryjemniejšym».
«Ja dumaju, zaŭtra treba telefanavać u mietro, havaryć: staraja karta była lepšaj, pa novaj ničoha nie zrazumieła».
«Płaški nieadnolkavych pamieraŭ. Biełaje na zialonym nie vielmi dobra čytajecca. Podpisy adnačasova na ruskaj i biełaruskaj movach adnolkavych pamieraŭ taksama dyzajn psujuć usiudy».
«Była niečytelnaja z-za drobnaha tekstu, ale bolš-mienš akuratnaja, a stała słabačytelnaj z-za nahružanaści nazvami na dźviuch movach u identyčnym vykanańni, dy jašče i akuratnaść prosta z MS Paint».
A ciapier na transpartnym forumie padzialilisia schiemaj, jakuju vykarystali ŭ ciahnikach druhoj linii. Voś jak jana vyhladaje.
Bačna, što ŭ cełym abiedźvie schiemy — letašniaja na 3‑j linii i ciapierašniaja na 2‑j — vykananyja ŭ adnym klučy. Ale razam z tym jość i adroźnieńni:
- Nachił płašak z nazvami zrobleny ŭ inšy bok;
- Usie nazvy nabranyja vialikimi litarami;
- Pierasadki na inšyja linii ciapier paznačanyja pałosami koleraŭ adpaviednych linij.
Adnoj ź niešmatlikich, ale surjoznych niazručnaściaŭ nazyvajuć toje, što z-za sucelnych vialikich litar usie nazvy źlivajucca ŭ kašu. Niekatoryja słovy, litary jakich vychodziać za miežy roŭnaha šerahu litar (naprykład, litary «d» u nazvach «Maładziožnaja», «Traktarny zavod» i «Aŭtazavodskaja» abo litara «c» u naźvie «Kuncaŭščyna») niby čaplajucca za biełyja raździalalnyja linii — i čytać stanovicca jašče składaniej.
Jubilejny žeton minskaha mietro pradajuć za vialikuju canu
Kalcavaja linija minskaha mietro: kali pačnuć budavać i dzie projdzie trasa
U minskaje mietro nie puścili mužčynu z rułonam linoleumu. Ci zakonna heta?
U mietro pakazali, jak niepaznavalna za 30 hadoŭ źmianilisia vakolicy stancyi «Uschod» FOTAFAKT
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali3
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary
https://www.londontubemap.org/maps/bakerloo-line-2026.png