U minskaje mietro nie puścili mužčynu z rułonam linoleumu. Ci zakonna heta?
U Minsku supracoŭniki słužby biaśpieki mietrapalitena nie prapuścili mužčynu na stancyju «Michałova» z rułonam linoleumu. Incydent adbyŭsia ŭ kancy červienia i paśla publikacyi videa ŭ sacyjalnych sietkach vyklikaŭ šyrokaje abmierkavańnie, piša ahienctva «Minsk-Naviny».
Mužčyna śćviardžaŭ, što skłaŭ rułon udvaja, tamu ličyŭ jaho ručnoj pakłažaj, dazvolenaj dla pieravozki. Adnak supracoŭniki mietro patłumačyli, što navat u składzienym vyhladzie linoleum nie adpaviadaŭ patrabavańniam praviłaŭ pieravozki. Jany prapanavali pasažyru dadatkova skłaści i pieraviazać rułon tak, kab jaho daŭžynia nie pieravyšała ŭstanoŭlenyja normy. Pa słovach pradstaŭnikoŭ mietrapalitena, mužčyna admoviŭsia heta zrabić i pačaŭ spračacca.
Padčas kanfliktu pasažyr zdymaŭ razmovu na videa, a paśla raźmiaściŭ zapis u internecie. U adkaz supracoŭniki papiaredzili jaho pra adkaznaść za raspaŭsiudžvańnie piersanalnych danych. Urešcie baki nie zdoleli vyrašyć sprečku samastojna i paviedamili pra namier vyklikać milicyju.
U Minskim mietrapalitenie paćvierdzili, što praviły nie dazvalajuć pieravozić bahaž, jaki pieravyšaje dapuščalnyja pamiery. Supracoŭniki słužby biaśpieki majuć prava pravieryć habaryty ručnoj pakłažy z dapamohaj vymiaralnych pryład.
Pavodle dziejnych pravił, biaspłatna možna pravozić tolki ručnuju pakłažu ŭ miežach ustanoŭlenych pamieraŭ. Za bahaž, pamiery jakoha ŭ sumie składajuć ad 121 da 200 santymietraŭ, a taksama za rułony daŭžynioj ad 101 da 170 santymietraŭ i dyjamietram ad 11 da 15 santymietraŭ, nieabchodna asobna apłacić prajezd, kupiŭšy dadatkovy žeton. Pry hetym adzin pasažyr moža pravozić nie bolš za dva takija miescy bahažu.
Kali ž pamiery pakłažy pieravyšajuć 200 santymietraŭ u sumie vymiareńniaŭ, u mietro ź joj nie prapuskajuć, pakolki heta moža stvaryć niazručnaści i pahrozu biaśpiecy inšych pasažyraŭ.
Ciapier milicyja pravodzić pravierku pa fakcie mahčymaha niezakonnaha raspaŭsiudžvańnia piersanalnych danych supracoŭnikaŭ mietro. Kali ŭ dziejańniach mužčyny budzie ŭstanoŭleny skład administracyjnaha pravaparušeńnia, jamu moža pahražać štraf da 200 bazavych vieličyń.
U internecie mierkavańni nakont zdareńnia padzialilisia. Častka karystalnikaŭ padtrymała pasažyra, adnak mnohija stali na bok supracoŭnikaŭ mietrapalitena, adznačyŭšy, što jany dziejničali ŭ adpaviednaści z praviłami i kłapacilisia pra biaśpieku pasažyraŭ.
U mietro pakazali, jak niepaznavalna za 30 hadoŭ źmianilisia vakolicy stancyi «Uschod» FOTAFAKT
Čamu ŭ Minsku nie pabudujuć mietro ŭ «Paŭnočny Bierah»?
«Pavisła na hetych žalaziakach». Minčancy turnikietam złamała nahu ŭ mietro
«Alesia» i «Maryja» projduć pad Śvisłačču. Jak u stalicy budujuć treciuju liniju mietro
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
Darečy, krama "Pałas", u jakoj mierkavana toj pasažyr nabyŭ svoj linolejum, moža arhanizavać transpart.