U Abu-Dabi budujuć «vostraŭ zdaroŭja» koštam 11 miljardaŭ dołaraŭ
Žyły rajon sprajektavany tak, kab zrabić fizičnuju aktyŭnaść naturalnaj častkaj štodzionnaha žyćcia.
Na vostravie Fachid u Abu-Dabi da 2029 hoda płanujuć stvaryć novy žyły rajon bolš čym na 6 tysiač damoŭ i kvater. Jak piša CNN, jaho hałoŭnaja asablivaść — nie raskošnaja nieruchomaść, a haradskoje asiarodździe, sprajektavanaje tak, kab zaachvočvać ludziej da bolš zdarovaha ładu žyćcia.
Prajekt koštam 40 miljardaŭ dyrchamaŭ AAE (kala 10,9 miljarda dołaraŭ) realizuje kampanija Aldar Development, jakaja naležyć uradu Abu-Dabi. Zabudova zojmie terytoryju płoščaj kala 2,7 miljona kvadratnych mietraŭ pamiž rajonami Jas i Saadyjat.
Ideja takoha prajekta hruntujecca na kancepcyi tak zvanaj «architektury dobraha stanu» (wellness architecture), jakaja praduhledžvaje prajektavańnie budynkaŭ i haradskoj prastory takim čynam, kab jany spryjali fizičnamu, emacyjnamu i psichičnamu zdaroŭju čałavieka.
Navukovyja daśledavańni sapraŭdy pakazvajuć, što asiarodździe, u jakim žyvuć ludzi, moža ŭpłyvać na ich zdaroŭje. Apublikavanaje sioleta daśledavańnie navukoŭcaŭ Masačusieckaha technałahičnaha instytuta (MIT) pakazała, što žychary rajonaŭ, dzie zručna chadzić pieššu, šmat zialonych zon i dobra raźvitaja hramadskaja prastora, u siarednim majuć lepšyja pakazčyki fizičnaha i psichičnaha zdaroŭja.
Siarod najbolš spryjalnych elemientaŭ haradskoha płanavańnia daśledčyki nazyvajuć karotkija kvartały, zručnuju sietku vulic, parki i raznastajnaść abjektaŭ u piešaj dastupnaści.
Budaŭniki vostrava Fachid płanujuć dasiahnuć hetych metaŭ zakładkaj u centry vostrava parku praciahłaściu 10 kiłamietraŭ. Tut źjaviacca biehavyja darožki, try viełamaršruty i zony adpačynku. Park taksama budzie adździalać žyłyja kvartały ad plažaŭ i manhravych lasoŭ, vykonvajučy rolu vizualnaha i hukavoha bufiera.
Uzdoŭž 11‑kiłamietrovaj bierahavoj linii pabudujuć try žyłyja kompleksy — ad šmatkvaternych damoŭ da viłaŭ. Žyłyja kvartały złučyć sietka piešachodnych maršrutaŭ ahulnaj praciahłaściu 15 kiłamietraŭ. Bolš za 70% darožak buduć znachodzicca ŭ cieni, što pavinna zrabić pieramiaščeńnie pieššu bolš kamfortnym navat u skvar.
Na vostravie taksama adkryjecca filija brytanskaj pryvatnaj škoły King's College School Wimbledon. Zabudoŭščyk zajaŭlaje, što heta budzie pieršaja ŭ śviecie škoła, siertyfikavanaja pa standarcie Fitwel — sistemie acenki budynkaŭ i haradskich terytoryj pavodle ich upłyvu na zdaroŭje ludziej. Sam vostraŭ užo atrymaŭ najvyšejšy trochzorkavy siertyfikat hetaj prahramy.
Stvaralniki prajekta ličać, što zdarovy ład žyćcia zaležyć nie tolki ad najaŭnaści spartzały abo spa-kompleksu, ale i ad taho, nakolki lohka čałavieku zrabić karysny vybar u štodzionnym žyćci — prajścisia pieššu, sustrecca ź ludźmi abo pravieści čas na śviežym pavietry.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary