U Abjadnanych Arabskich Emiratach prateścirujuć drony dla pavieličeńnia apadkaŭ
Ułady Abjadnanych Arabskich Emirataŭ vyłučyli srodki brytanskim navukoŭcam, kab vyjavić, jak možna pavialičyć kolkaść apadkaŭ u krainie z dapamohaj bieśpiłotnikaŭ.
AAE raźmieščanaja ŭ pustyni, tut štohod vypadaje tolki kala 100 mm apadkaŭ.
U 2017 hodzie krainy vyłučyła $15 miljonaŭ na roznyja prajekty, jakija b dapamahli vyklikać bolš daždžoŭ, piša BBC.
Adzin z takich prajektaŭ uznačalvajuć navukoŭcy z Univiersiteta Redynha, što ŭ Vialikabrytanii. Jany namahajucca vykarystoŭvać drony, jakija buduć nanosić abłokam udary tokam. Elektryčny tok pavialičvaje vierahodnaść źlićcia malekuł vady, što dazvolić im chutčej pieratvaracca ŭ kropli daždžu.
U drony buduć ustalavanyja prybory dla vyłučeńnia elektryčnaha zaradu. Bieśpiłotniki buduć lotać na nievialikaj vyšyni i vypuskać zarady ŭ abłoki, kab stymulavać apadki.
Takija bieśpiłotniki ŭžo vyrablajuć u Vialikabrytanii i ŭ chutkim časie ich prateścirujuć u Dubai.
Ciapier u AAE vykarystoŭvajuć mietad «pasievu abłokaŭ». Dla hetaha samaloty skidvajuć u abłoki chimikaty, jakija spryjajuć pavieličeńniu kolkaści apadkaŭ.
Treba adznačyć, što hetkija prajekty krytykujucca mnohimi ekołahami.
Kamientary