19 maja ŭ aktavaj zale fiłałahičnaha fakulteta Biełaruskaha dziaržaŭnaha univiersiteta projdzie majstar‑kłas amierykanskaha akciora Ronalda Renda (Ńju‑Jork) «Majsterstva pieraŭvasableńnia».
Jak paviedamlaje pres‑słužba BDU, majstar‑kłas arhanizavany ŭ ramkach novaha prajekta »Profi‑T. Teatr prafiesijanałaŭ» Mižnarodnaha fiestyvalu studenckich teatraŭ »Teatralny kufar».
U chodzie majstar‑kłasa buduć vykarystany praktykavańni, uziatyja z sumiesnaj pracy Renda z akciorami Haraldam Kłurmanam, Ježy Hratoŭski, Bobi Ljuisam, Džozefam Čajkinym, Džonam Straśbierham.
Ronald Rend — amierykanski teatralny akcior, jaki źniaŭsia bolš čym u sta filmach, televizijny šoumien. Akcior vałodaje navykami tak zvanaha hrupavoha teatra, vykarystoŭvaje hałasavyja impravizacyjnyja praktykavańni, zasnavanyja na vučeńni sistemy Stanisłaŭskaha, viadomaha jak »Mietad fizičnych dziejańniaŭ».
Novy kulturna‑adukacyjny prajekt »Profi‑T. Teatr prafiesijanałaŭ» praduhledžvaje ŭzajemaabmien teatralnymi i estetyčnymi idejami ŭ prafiesijnaj halinie režysury, akciorskaha majsterstva, scenahrafii. Pad ehidaj »Profi‑T» 19 maja na scenie Pałaca kultury prafsajuzaŭ taksama projdzie pakaz monaśpiektakla »Let it be Art!» («Žyćcio i zachapleńnie Haralda Kłurmana»).
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach2
Kamientary