«Hałoŭny ja»: Tramp nazvaŭ hrupu čynoŭnikaŭ ZŠA, jakija buduć kiravać Vieniesuełaj
Prezident ZŠA nazvaŭ hrupu čynoŭnikaŭ, jakija buduć dapamahać kantralavać udzieł Złučanych Štataŭ u situacyi ŭ Vieniesuele, piša NBC News.
Pavodle słoŭ Trampa, da kiravańnia Vieniesuełaj buduć datyčnyja:
- dziaržaŭny sakratar ZŠA Marka Rubia;
- kiraŭnik Pientahona Pit Chiehsiet;
- namieśnik kiraŭnika aparata Biełaha doma Styvien Miler;
- vice-prezident ZŠA Džej Dzi Vens.
«Heta hrupa ludziej samych roznych prafiesij i śpiecyjalnaściej. U ich jość dośvied, pryčym rozny», — zajaviŭ Tramp.
Na pytańnie, chto ŭ kančatkovym vyniku źjaŭlajecca hałoŭnym, jon adkazaŭ adnym słovam: «Ja».
Taksama ŭ tym ža intervju Tramp paviedamiŭ, što vice-prezident Vieniesueły Dełsi Radryhies, jakaja paśla vykradańnia Nikałasa Madura pryniesła prysiahu jak vykonvajučaja abaviazki prezidenta, supracoŭničaje z amierykanskimi čynoŭnikami. Adnak, jak adznačyŭ lidar ZŠA, da praviadzieńnia apieracyi kantaktaŭ ź joj nie było.
Akramia taho, prezident ZŠA namiaknuŭ, što kali Radryhies spynić supracoŭnictva, Złučanyja Štaty mohuć ździejśnić paŭtornaje vajennaje ŭvarvańnie.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary