U Kanadzie dazvolili źbirać podpisy za refierendum ab adździaleńni hałoŭnaj naftazdabyŭnoj pravincyi
U Kanadzie dazvolili pačać zbor podpisaŭ za praviadzieńnie refierendumu ab niezaležnaści Albierty — hałoŭnaj naftadabyŭnoj pravincyi krainy. Kamisija pa vybarach Albierty padtrymała inicyjatyvu hrupy Alberta Prosperity Project («Prajekt roskvitu Albierty»), paviedamlaje CBC.
Da pačatku studzienia hrupa pavinna pryznačyć finansavaha dyrektara, paśla čaho možna budzie aficyjna raspačać kampaniju. U pietycyi prapanujecca vynieści na hałasavańnie pytańnie: «Ci zhodnyja vy, što pravincyja Albierta pavinna pierastać być častkaj Kanady i stać niezaležnaj dziaržavaj?»
Pavodle pravił, arhanizatary pavinny za čatyry miesiacy sabrać nie mienš za 178 tysiač podpisaŭ, što składaje kala 3,5% nasielnictva Albierty. U samoj hrupie ŭžo naličvajecca kala 2 tysiač čałaviek, a jašče prykładna 240 tysiač žycharoŭ nibyta hatovyja padtrymać inicyjatyvu svaimi podpisami.
Raniej u hetym hodzie sproba pravieści refierendum pravaliłasia: sud pryznaŭ pieršapačatkovuju farmuloŭku pytańnia niekanstytucyjnaj. Paśla hetaha praviły praviadzieńnia refierendumaŭ pa hramadzianskaj inicyjatyvie byli źmienienyja, što dazvoliła hrupie pierafarmulavać pytańnie i paŭtorna padać zajaŭku.
Albierta — klučavaja naftazdabyŭnaja pravincyja Kanady, dzie znachodzicca 95—97% raźviedanych zapasaŭ nafty krainy, pieravažna ŭ vyhladzie bituminoznych naftavych piaskoŭ. Pravincyja raźmieščanaja na zachadzie krainy, na poŭdni jana miažuje z amierykanskim štatam Mantana.
Albierta ŭvajšła ŭ skład Kanady ŭ 1905 hodzie. Jaje administracyjny centr — Edmantan, najbolšy horad — Kałhary. Nasielnictva pravincyi pieravyšaje 4 miljony čałaviek.
Jak adklučeńnie internetu ŭ Iranie raptam raskryła suviaź Tehierana z šatłandskim sieparatyzmam
Prarasijski rehijon Afryki, dzie zabili vahnieraŭcaŭ, abjadnaŭsia ŭ kanfiederacyju. Dziela čaho?
«Techas — naš!» ANT apublikavaŭ fejkavy dopis Maska
Premjer Hrenłandyi: My nie chočam być amierykanskimi abo dackimi, ale chočam być niezaležnymi
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary