U Minsku hrupa školnikaŭ zrabiła pahrom u pustym elektraciahniku Stadler na terytoryi matorvahonnaha depo. Pavodle danych milicyi, padletki paškodzili kabinu ciahnika, a ahulny pamier naniesienych strat acanili ŭ 54 tysiačy biełaruskich rubloŭ.
U sacsietkach staličnaj milicyi apublikavali videa, jakoje zdymali sami školniki. Jany zaleźli ŭ pusty elektrapojezd, paškodzili try infarmacyjnyja manitory ŭ hałoŭnym vahonie i z dapamohaj vohnietušyciela raźnieśli prybornuju panel kabiny.
Siłavikam davoli chutka ŭdałosia vyśvietlić asoby chulihanaŭ — imi akazalisia 14– i 15-hadovyja školniki, a taksama jašče adzin chłopčyk 11 hadoŭ, jaki niepasrednaha ŭdziełu ŭ praniknieńni ŭ ciahnik, praŭda, nie prymaŭ.
Pavodle słoŭ načalnika ŭpraŭleńnia pa arhanizacyi achovy hramadskaha paradku i prafiłaktycy milicyi hramadskaj biaśpieki HUUS Minharvykankama Siarhieja Harochava, padletki «prahułku» pa depo zahadzia spłanavali, a videa zdymali, kab pakazać siabram svaje «podźvihi».
Za takija dziejańni suprać padletkaŭ raspačali kryminalnuju spravu, a materyjały pieradadzienyja ŭ kamisiju pa spravach niepaŭnaletnich. Adzin ź fihurantaŭ užo raniej traplaŭ u pole zroku milicyi, tamu razhladajecca pytańnie pra nakiravańnie jaho ŭ śpiecyjalnuju ŭstanovu zakrytaha typu.
Akramia hetaha, milicyja naviedała škoły, dzie vučacca fihuranty, i praviała prafiłaktyčnyja lekcyi, a taksama sustrečy z baćkami.
U Minsku mužčyna ŭ aŭtobusie ŭdaryŭ padletkaŭ, jany adkazali elektrašokieram
U minskaj SDIUŠAR 29-hadovy trenier udaryŭ vučnia — a kali atrymaŭ vymovu, to nieŭzabavie pamior
U Minsku DAI haniałasia za padletkami na elektrasamakatach
U Minsku asudzili 17-hadovaha padletka, jaki pracavaŭ kurjeram telefonnych machlaroŭ. U adnoj žančyny jon zabraŭ $760 tysiač
Ciapier čytajuć
«Mis Biełaruś» usio bolš nahadvaje konkurs pryhažości ŭ haremie17
Kamientary