U Minsku asudzili 17-hadovaha padletka, jaki pracavaŭ kurjeram telefonnych machlaroŭ. U adnoj žančyny jon zabraŭ $760 tysiač
U śniežni 2023 hoda machlary vyjšli na padletka ŭ adnym ź miesiendžaraŭ, prapanavaŭšy vysokaapłatnuju padpracoŭku z hibkim hrafikam, paviedamlaje SK.
Pieršapačatkova jamu patrabavałasia aformić bankaŭskija kartki ŭ roznych bankach Minska i dać poŭny dostup da ich tak zvanamu pracadaŭcu za ŭznaharodžańnie.
Paśla było novaje daručeńnie: stroha vykonvajučy miery kanśpiracyi, zabirać u paciarpiełych hrošy pad padstavaj dekłaravańnia.
Chłopiec dakładna vykonvaŭ usie ŭkazańni kuratara, zabiraŭ najaŭnyja hrošy i pieradavaŭ ich inšamu kurjeru. Za heta jon atrymlivaŭ uznaharodu, vykonvajučy, pa sutnaści, samuju ryzykoŭnuju častku pracy, znachodziačysia na vačach u orhanaŭ i sistem videanazirańnia.
Finalnym etapam supraćpraŭnaj dziejnaści minčuka stała daručeńnie zabrać u piensijanierki bujnuju sumu i padpolna abmianiać jaje na kryptavalutu. Adnak dziakujučy apieratyŭnaj pracy supracoŭnikaŭ milicyi chłopca zatrymali.
U chodzie asabistaha vobšuku pry im było znojdziena bolš za 760 tys. jeŭra, jakija jon zabraŭ u paciarpiełaj.
Śledčyja vyśvietlili, što chłopiec pa ŭkazańni saŭdzielnikaŭ zavałodaŭ hrašyma paciarpiełych na 2,6 młn rubloŭ. Svaju vinu jon pryznaŭ i raskajaŭsia ŭ ździejśnienym.
Vyvučeńnie asoby školnika pakazała, što jon vychoŭvaŭsia ŭ poŭnaj siamji, na prafiłaktyčnych ulikach nie znachodziŭsia, da kryminalnaj i administracyjnaj adkaznaści raniej nie pryciahvaŭsia.
Dziejańni padletka kvalifikavany pa č.4 art.209 (machlarstva, ździejśnienaje ŭ asabliva bujnym pamiery) i č.1 art.222 (niezakonnaje raspaŭsiudžvańnie rekvizitaŭ bankaŭskich płaciežnych kartak i aŭtentyfikacyjnych dadzienych, z dapamohaj jakich mahčymy dostup da rachunkaŭ) KK. Da jaho z sankcyi prakurora prymieniena miera strymańnia ŭ vyhladzie zaklučeńnia pad vartu.
Sud pryznaŭ jaho vinavatym i pryznačyŭ pakarańnie ŭ vyhladzie pazbaŭleńnia voli terminam — 3 hady 6 miesiacaŭ sa štrafam u pamiery 30 bazavych vieličyń i adterminoŭkaj vykanańnia pakarańnia ŭ vyhladzie pazbaŭleńnia voli na 3 hady.
Zahinuŭ biełaruski dobraachvotnik Vasil «Dzir» Rapicki11
Kamientary