Ukraina maje patrebu ŭ $45 miljardach źniešniaha finansavańnia ŭ nastupnym hodzie
Ministr finansaŭ Ukrainy Siarhiej Marčanka zajaviŭ, što biudžet Ukrainy zapatrabuje 45 miljardaŭ dołaraŭ źniešniaha finansavańnia dla finansavańnia daŭhoŭ. Pra heta jon skazaŭ padčas prezientacyi płana dziejańniaŭ urada.

«U nas na nastupny hod na siońniašni momant jość abaviazacielstvy, jakija patencyjna možna nakiravać na finansavańnie deficytu biudžetu na ŭzroŭni 35 młrd dołaraŭ. Jak vy razumiejecie, hetaha niedastatkova, tamu nam zaraz treba mabilizavać namahańni, u tym liku pierahavornyja, kab zakryć 2026 hod», — skazaŭ Marčanka.
Urad šukaje źniešniaje finansavańnie mienavita na 2026—2027 hady, pakolki z 2028 hoda Ukraina budzie mieć u biudžecie ES ułasnuju prahramu, jakaja budzie finansavać biudžet. Pa hetym pytańni buduć supracoŭničać ź Jeŭrakamisijaj, havorycca ŭ paviedamleńni.
Pa słovach kiraŭnika Minfina, na 2026 hod patreba biudžetu ŭ bolšaj stupieni zakrytaja, «jość peŭnyja zapeŭnivańni». U cełym Ukraina supracoŭničaje z G7, ES, Mižnarodnym valutnym fondam.
Kamientary