Marski dron HUR źniščyŭ hrupu elitnych rasijskich vadałazaŭ u buchcie Navarasijska
Hałoŭnaje ŭpraŭleńnie raźviedki paviedamiła pra źniščeńnie piaci rasijskich vadałazaŭ u buchcie Navarasijska, jakija sprabavali padniać bieśpiłotny ŭkrainski marski dron dla daśledavańnia.
Padčas apieracyi Hałoŭnaha ŭpraŭleńnia raźviedki Ministerstva abarony Ukrainy ŭ Čornym mory adzin z udarnych marskich dronaŭ prarvaŭsia ŭ buchtu Navarasijska, dzie Rasija zachoŭvaje reštki svaich karabloŭ Čarnamorskaha fłotu, paviedamlaje HUR.
U vyniku dziejańnia srodkaŭ radyjoelektronnaj baraćby dron straciŭ suviaź z punktam kiravańnia i pačaŭ drejfavać. Kamandavańnie rasijskaha fłotu addało zahad padniać ukrainski bieśpiłotnik dla daśledavańnia.
Dla vykanańnia zadańnia nakiravali hrupu ź piaci elitnych vadałazaŭ-padryŭnikoŭ z padraździaleńnia PDSS (padvodnyja dyviersijnyja siły i srodki) — heta śpiecyjalisty, na padrychtoŭku jakich Rasija vydatkoŭvaje značnyja resursy i zabiaśpiečvaje ich sučasnym abstalavańniem.
Padčas manipulacyj z ukrainskim dronam adbyŭsia vybuch. U vyniku ŭsie piaciora rasijskich vadałazaŭ zahinuli.
«Siarod asabovaha składu rasijskaha fłotu, jaki bazujecca ŭ Navarasijsku, hučyć vostraja niezadavolenaść biessensoŭnym «miasnym» zahadam kamandavańnia dastać ukrainski marski dron, što pryviało da likvidacyi elitnaj hrupy», — havorycca ŭ paviedamleńni HUR.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary