Na biełaruska-polskaj miažy ŭzialisia za lhotnikaŭ, jakija za hrošy dapamahajuć chutčej prajechać čarhu
Hramadzian, čyje raniejšyja pajezdki vyhladali sumnieŭna, vyklikajuć u kampietentnyja orhany.
Na biełaruska-polskaj miažy apošnim časam naziralisia šalonyja čerhi — bolš za 4000 aŭto. Niekatoryja padarožniki ličyli, što heta zdaryłasia praz schiemu ź ilhotnikami, jakija majuć prava prachodzić miažu biez čarhi. Takija lhotniki mohuć za hrošy padsadžvacca ŭ aŭto, kab jano chutčej prajazdžała.
Paśla skarhaŭ padarožnikaŭ, kantralujučyja orhany ŭzialisia razabracca.
Inśpiekcyja Ministerstva padatkaŭ i zboraŭ Bresckaj vobłaści paviedamiła, što vyjaŭlena praktyka, kali lhotniki, jakija majuć prava prajazdžać praź miažu biez čarhi, złoŭžyvali svaim statusam.
«Zamiest vykarystańnia lhoty ŭ asabistych metach jany za hrašovuju ŭznaharodu padsadžvalisia ŭ aŭtamabili inšych ludziej, kab zabiaśpiečyć im mahčymaść chutkaha prachodžańnia pamiežnaha kantrolu», — paviedamiła inśpiekcyja.
Adznačajecca, što heta parušeńnie zakona.
«Dla procidziejańnia hetaj schiemie ŭ punkcie propusku «Brest» uzmocniena mižviedamasnaje ŭzajemadziejańnie. Supracoŭnikami padatkovaj, pamiežnaj, mytnaj słužbaŭ i milicyi arhanizavany tatalny kantrol za abhruntavanaściu vykarystańnia lhotnaha paradku pierasiačeńnia miažy. Pravodzicca dbajnaja pravierka metaŭ pajezdki i adpaviednaści faktyčnych abstavinaŭ zajaŭlenym pry afarmleńni dakumientaŭ».
Hramadzian, čyje raniejšyja pajezdki vyhladali sumnieŭna, vyklikajuć u kampietentnyja orhany.
Parušalnikam pahražaje pakarańnie pa č.2 art.13.3 KaAP, jakoje praduhledžvaje štraf da 4,2 tysiačy rubloŭ z mahčymaściu kanfiskacyi dachodu, pryład i srodkaŭ ździajśnieńnia pravaparušeńnia.
Inśpiekcyja adznačyła, što kolkaść vypadkaŭ vyjezdu hramadzian, jakija skarystalisia lhotnym paradkam pierasiačeńnia miažy, užo skaraciłasia ŭ try razy.
«Pa sutnaści, heta handal ludźmi». Kolki kaštujuć pasłuhi invalidaŭ na biełaruska-polskaj miažy
Čarha aŭto na miažy z Polščaj jašče vyrasła
«Tolikaŭ» možna było choć niejak kantralavać». Biełarusy tłumačać kałaps na miažy novym «biznesam»
Tolki što zajechali tyja, chto staŭ u čarhu 8 žniŭnia. Kolki ciapier treba čakać na miažy, kab trapić u Polšču na aŭto?
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać29
Kamientary
A za arhanizataraŭ nia chočuć uziacca?