На беларуска-польскай мяжы ўзяліся за льготнікаў, якія за грошы дапамагаюць хутчэй праехаць чаргу
Грамадзян, чые ранейшыя паездкі выглядалі сумнеўна, выклікаюць у кампетэнтныя органы.
На беларуска-польскай мяжы апошнім часам назіраліся шалёныя чэргі — больш за 4000 аўто. Некаторыя падарожнікі лічылі, што гэта здарылася праз схему з ільготнікамі, якія маюць права праходзіць мяжу без чаргі. Такія льготнікі могуць за грошы падсаджвацца ў аўто, каб яно хутчэй праязджала.
Пасля скаргаў падарожнікаў, кантралюючыя органы ўзяліся разабрацца.
Інспекцыя Міністэрства падаткаў і збораў Брэсцкай вобласці паведаміла, што выяўлена практыка, калі льготнікі, якія маюць права праязджаць праз мяжу без чаргі, злоўжывалі сваім статусам.
«Замест выкарыстання льготы ў асабістых мэтах яны за грашовую ўзнагароду падсаджваліся ў аўтамабілі іншых людзей, каб забяспечыць ім магчымасць хуткага праходжання памежнага кантролю», — паведаміла інспекцыя.
Адзначаецца, што гэта парушэнне закона.
«Для процідзеяння гэтай схеме ў пункце пропуску «Брэст» узмоцнена міжведамаснае ўзаемадзеянне. Супрацоўнікамі падатковай, памежнай, мытнай службаў і міліцыі арганізаваны татальны кантроль за абгрунтаванасцю выкарыстання льготнага парадку перасячэння мяжы. Праводзіцца дбайная праверка мэтаў паездкі і адпаведнасці фактычных абставінаў заяўленым пры афармленні дакументаў».
Грамадзян, чые ранейшыя паездкі выглядалі сумнеўна, выклікаюць у кампетэнтныя органы.
Парушальнікам пагражае пакаранне па ч.2 арт.13.3 КаАП, якое прадугледжвае штраф да 4,2 тысячы рублёў з магчымасцю канфіскацыі даходу, прылад і сродкаў здзяйснення правапарушэння.
Інспекцыя адзначыла, што колькасць выпадкаў выезду грамадзян, якія скарысталіся льготным парадкам перасячэння мяжы, ужо скарацілася ў тры разы.
«Па сутнасці, гэта гандаль людзьмі». Колькі каштуюць паслугі інвалідаў на беларуска-польскай мяжы
Чарга аўто на мяжы з Польшчай яшчэ вырасла
«Толікаў» можна было хоць неяк кантраляваць». Беларусы тлумачаць калапс на мяжы новым «бізнэсам»
Толькі што заехалі тыя, хто стаў у чаргу 8 жніўня. Колькі цяпер трэба чакаць на мяжы, каб трапіць у Польшчу на аўто?
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў42
Каментары
А за арганізатараў ня хочуць узяцца?