MZS Ukrainy: Zialenski hatovy abmiarkoŭvać pytańnie terytoryj, ale tolki na sustrečy z Pucinym
«Pačatak razmoŭ pa terytaryjalnym pytańni — heta linija sudakranańnia, jakaja tam ciapier prachodzić».
Prezident Ukrainy Uładzimir Zialenski hatovy abmierkavać pytańnie terytoryj, ale tolki na sustrečy z Pucinym. Pra heta ŭ intervju NBC News zajaviŭ pieršy namieśnik ministra zamiežnych spraŭ Ukrainy Siarhiej Kiślica.
«Kali my havaryli ab terytaryjalnych prablemach, ja dumaju, prezident Zialenski jasna daŭ zrazumieć, što hatovy sieści z prezidentam Pucinym i abmierkavać ich, i pačatak razmoŭ pa terytaryjalnym pytańni — heta linija sudakranańnia, jakaja tam ciapier prachodzić», — skazaŭ Kiślica.
Jon dadaŭ taksama, što ŭkrainskaje hramadstva suprać abmienu terytoryj na mir. A Zialenski «kirujecca jak dziejnym zakanadaŭstvam Ukrainy, tak i hramadskaj dumkaj».
Sam Uładzimir Zialenski siońnia padčas vystupu na ŭračystaściach da Dnia dziaržaŭnaha ściaha zajaviŭ, što Ukraina «svaju ziamlu nie padoryć akupantu».
Raniej daradca kiraŭnika Ofisa prezidenta Ukrainy Michaił Padalak kazaŭ, što adnym z bazavych scenaryjaŭ zaviaršeńnia vajny va Ukrainie moža stać zamarožvańnie kanfliktu ŭzdoŭž ciapierašniaj linii frontu. «Heta terytoryi, jakija siońnia de-fakta akupavanyja Rasijaj. Jany takimi i zastanucca. A dalej budzie vialikaja praca ekanamičnymi, dypłamatyčnymi i inšymi instrumientami, kab viarnuć hetyja terytoryi va Ukrainu. Ale de-jure jany buduć zastavacca ŭkrainskimi», — skazaŭ Padalak.
-
Piaskoŭ: Pieramovy Pucina ź Zialenskim mahčymyja tolki ŭ Maskvie
-
Minenierha Ukrainy zajaviła, što Rasija adnaviła ŭdary pa infrastruktury. Zialenski kaža, što metanakiravanych udaraŭ nie było
-
Prapahandystka Lebiedzieva pachvaliłasia ekskluzivam z Maryupalskaha teatra, jaki Rasija adbudavała z nula, kab schavać ślady vajennaha złačynstva
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary