U Kitai pakarali śmierciu jašče čatyroch členaŭ mjanmanskaj mafijoznaj siamji
U Kitai pryviali ŭ vykanańnie śmiarotny prysud jašče čatyrom udzielnikam birmanskaj mafijoznaj siamji Baj — adnoj z najbolš viadomych złačynnych dynastyj, jakaja kiravała centrami internet-machlarstva ŭ Mjanmie. Heta ŭžo druhoje hrupavoje pakarańnie śmierciu, praviedzienaje ŭ Kitai za apošni tydzień, piša Bi-bi-si.
Sud pravincyi Huandun pryznaŭ vinavatymi 21 člena siamji Baj i ich paplečnikaŭ. Im inkryminavali machlarstva, zabojstvy, naniasieńnie ciažkich cialesnych paškodžańniaŭ i inšyja ciažkija złačynstvy. Jašče ŭ listapadzie minułaha hoda piać čałaviek, u tym liku kiraŭnik kłana Baj Suačen, byli prysudžanyja da śmierci, adnak sam jon pamior ad chvaroby ŭžo paśla vyniasieńnia prysudu.
Raniej, na minułym tydni, Kitaj taksama pakaraŭ śmierciu 11 udzielnikaŭ inšaha mafijoznaha kłana — siamji Min. Abiedźvie spravy źjaŭlajucca častkaj maštabnaj kampanii Piekina suprać machlarskich sietak u Paŭdniova-Uschodniaj Azii, achviarami jakich stali tysiačy kitajskich hramadzian.
Na praciahu mnohich hadoŭ siemji Baj, Min i inšyja kłany kantralavali pamiežny horad Łaukaj u Mjanmie, dzie zajmalisia kiravańniem kazino, seks-industryjaj i kibieramachlarskimi koł-centrami. Pavodle infarmacyi śledstva, siamja Baj mieła ŭłasnyja ŭzbrojenyja atrady i stvaryła dziasiatki zakrytych kompleksaŭ, u jakich panavała žorstkaść — katavańni i źbivańnie byli zvyčajnaj źjavaj. Dziejańni kłana pryviali da hibieli jak minimum šaści hramadzian Kitaja i ciažkich traŭmaŭ u dziasiatkaŭ inšych.
Złačynnyja impieryi pačali razburacca ŭ 2023 hodzie, kali Kitaj vykazaŭ niezadavolenaść pazicyjaj mjanmanskich uładaŭ i faktyčna padtrymaŭ nastup etničnych paŭstancaŭ u rehijonie. U vyniku mafijoznyja struktury byli likvidavanyja, a ich udzielniki pieradadzienyja KNR.
Ekśpierty ličać, što apošnija pakarańni śmierciu źjaŭlajucca sihnałam zapałochvańnia dla inšych udzielnikaŭ machlarskich schiem. Pavodle acenak AAN, sotni tysiač ludziej u Mjanmie i susiednich krainach byli pradadzienyja ŭ rabstva abo siłaj uciahnutyja ŭ internet-machlarstvy. Značnuju častku jak achviar, tak i paciarpiełych ad finansavych strat składajuć hramadzianie Kitaja.
U Kitai pakarali śmierciu 11 členaŭ sindykata Min. Jany kiravali skam-centrami i kazino ŭ Mjanmie
Biełaruska, vyzvalenaja sa skam-centra ŭ Mjanmie: Navat kali źbiažyš, nieviadoma, kamu zvanić, tam usio karumpavana
Chunta Mjanmy praviała rejd u adnym z najbujniejšych skam-centraŭ. Sotni jaho žycharoŭ uciakli ŭ Tajłand
Armija Mjanmy vyzvaliła 2198 čałaviek z machlarskaj skam-fabryki KK Park
Skam-fabryki ŭ Mjanmie — što heta i jak pracujuć. Na adnu z takich, vierahodna, vyvieźli i biełarusku Vieru
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?10
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary